क्रीडा समन्वयक शिक्षक अजय शिंदे यांचा 'क्रीडा दूत' उपाधीने सन्मान.
सिंधुदुर्ग जिल्हाधिकारी अनिल पाटील यांच्या हस्ते सन्मानपत्र.
जिल्हा क्रीडा अधिकारी विद्या शिरस, क्रीडा अधिकारी राहुल गायकवाड व मान्यवर उपस्थित.
मालवण | ब्यूरो न्यूज : सिंधुदुर्ग जिल्हाअधिकारी अनिल पाटील यांच्या हस्ते मालवणचे क्रीडा समन्वयक शिक्षक अजय शिंदे यांचा ‘क्रीडा दूत’ उपाधीने सन्मान करण्यात आला. क्रीडा व युवक सेवा संचलनालय महाराष्ट्र राज्य पुणे अंतर्गत व जिल्हा क्रीडा अधिकारी तसेच जिल्हा क्रीडा परिषद सिंधुदुर्ग यांच्यावतीने मालवण तालुक्यात क्रीडा समन्वयक हे पद यशस्वी गेली २५ वर्षे सलग सांभाळणारे शिक्षक अजय शिंदे हे, श्री सद्गुरू सदानंद माऊली एज्युकेशनल फाउंडेशन संचलित डॉक्टर श्रीधर सिताराम कुडाळकर हायस्कूल येथे क्रीडा शिक्षक म्हणून कार्यरत आहेत. सन्मानपत्र, शाल, श्रीफळ पुष्पगुच्छ असे पुरस्काराचे स्वरुप आहे.
यावेळी जिल्हा क्रीडा अधिकारी विद्या शिरस, क्रीडा अधिकारी राहुल गायकवाड, लिपिक श्री सुरेकर व जिल्ह्यातील तालुका समन्वयक नंदकिशोर नाईक, विजय मयेकर, हनुमान सावंत, संजय परब ,बयाजी बुरान, उत्तरेश्वर लाड हे क्रीडा समन्वयक उपस्थित होते.
श्री सद्गुरू सदानंद माऊली एज्युकेशनल फाउंडेशनचे अध्यक्ष विलास झाड, उपाध्यक्ष भालचंद्र राऊत, सचिव महेश मांजरेकर, कार्याध्यक्ष कृष्णा बांदेकर, खजिनदार विनायक निवेकर, नंदिनी साटलकर यांनी श्री. शिंदे यांचे अभिनंदन केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
