चिंदर | विवेक परब : नविन वीज जोडणीसाठी नातेवाईकाच्या थकबाकीसाठी महिलेला धरले वेठीस धरण्याचा एक प्रकार आचरा येथे घडला आहे.
आचरा येथे नव्या घराच्या वीजमिटरच्या जोडणीची मागणी करून गेले आठ महिने आचरा वीजवितरणच्या कार्यालयात खेटे घालणार्या जेष्ठ वयोवृध्द महिलेला वीज कनेक्शन न मिळाल्याने हतबल होऊन तिला कनेक्शनसाठी दिवसभर विजवितरणच्या कार्यालयाच्याबाहेर बसून राहणयाची वेळ आल्याची घटना सोमवारी घडली. चिंदर सडेवाडी येथील एका ज्येष्ठ महिलेला आचरा वीजवितरण कार्यालयाकडून सुमारे २० वीस वर्षांपूर्वी मयत झालेल्या नातेवाईकाची असलेली वीजबिलाची थकबाकीचे कारण देत वीजमीटर जोडणी नाकारली जात होती. सोमवारी सायंकाळी उशिरापर्यंत हि वयोवृध्द महिला बसून असल्याचे समजताच चिंदर गावचे धोंडी चिंदरकर व उपसरपंच दिपक सुर्वे व इतर ग्रामस्थांनी बीजवितरणला धडक देत महिलेला वीजजोडणी का केली जात नसल्याचे विचारत वीज अधिकाऱ्यांना धारेवर धरले. यावेळी २० वर्षांपूर्वी मयत झालेल्या व्यक्तीच्या नावाने एका इसमाने अर्ज करून सदर थकबाकीचा मिटर या वृध्द महिलेच्या नावे करण्याचा मागणीअर्ज केल्याचा प्रकार समोर आला असून त्यानुसार वीजवितरणने तो मीटर त्या महिलेच्या नावे केल्याचा अजब प्रकार समोर आला आहे. हा प्रकार चिंदरकर यांनी उघड करताच नियमांवर बोट ठेवून बोलणाच्या वीज अधिका-यांनी मीटर जोडणी देण्याचे कबूल केले.थकबाकीच्या वीजमिटरशी कोणताही संबंध नसताना या प्रकाराने ज्येष्ठ वृध्द महिला हवालदिल झाली होती. चिंदर सडेवाडी येथील लक्ष्मी शरद मुंबरकर या पासष्ट वर्षाच्या महिलेने आपला घरक्रमांक १०३४ या नव्या घरासाठी आचरा वीजवितरण कार्यालयाकडे मिटर जोडणी देण्यासाठी रितसर अर्ज करत मागणी केली होती. या ज्येष्ठ महिलेला गेले आठ महिने यासाठी विजवीतरणकडे चकरा माराव्या लागत होत्या .तिला नेहमी आपल्या नातेवाईकाच्या घराचे बीजबील थकित असल्याचे सागूंन माघारी पाठवले जात होते. वीज कनेक्शनसाठी सदर महिला सोमवारीही अशीच विजवितरण कार्यालयात गेली असता वीजअधिकारी सरमळे यांनीही तीला तेच कारण देत माघारी जाण्यास सांगितले तेंव्हा मात्र व्यस्थित झालेल्या महिलेने शेवटी जोपर्यंत कनेक्शन मिळत नाही तोपर्यंत कार्यालया बाहेरून न हलण्याचा निर्णय घेतला . वीज जोडणीच्या मागणीसाठी चिंदर गावातील वृध्द महिला कार्यालयाबाहेर दिवस भर बसून होती. अखेर राजकीय व्यक्तिंनाच येऊन खरी परिस्थिती प्रकाशात आणत ज्येष्ठ महिलेच्या घरचा वीज कनेक्शनाच्या लपंडावाचा खेळ नियंत्रीत करावा लागला अशीच चर्चा आचरा व चिंदर परिसरात आहे.