मालवण | ब्यूरो न्यूज : महाराष्ट्रातील सागरी क्षेत्रावर देखरेख ठेवण्यासाठी देशातील पहिल्या ड्रोन प्रणालीची सुरुवात नुकतीच आदरणीय मत्स्य उद्योग मंत्री श्री नितेश राणे यांच्या हस्ते झाली .अनधिकृत मासेमारी, त्याचबरोबर परप्रांतीय मच्छीमारांची वाढती झुंडशाहीला शह देण्यासाठी एक यंत्रणा अस्तित्वात येणे गरजेचे होते. तसेच सागरी सुरक्षा मजबूत करण्यासाठी ट्वेंटी फोर बाय सेवन महाराष्ट्राच्या ७२० किलोमीटर लांबीच्या किनारपट्टीवर लक्ष ठेवणे आवश्यक होते. सदर दोन्ही हेतू साध्य करण्याच्या दृष्टिकोनातून मत्स्योद्योग मंत्री सेनापती नितेशजी राणे यांनी आपल्या हाती ड्रोन रुपी पाहिले अस्त्र आपल्या भात्यातून बाहेर काढले आहे. मत्स्य व्यवसाय खात्याचा कारभार सांभाळल्यानंतर गस्ती नौका आणि ड्रोन प्रणाली याबाबत तातडीने पावले उचलून भविष्यातील वेगवान निर्णयांची चाहूल मत्स्य क्षेत्राला दाखवून दिली आहे असे भाजपा मच्छिमार सेलचे जिल्हा संयोजक रविकिरण तोरसकर यांनी प्रसिद्धी पत्राद्वारे सांगितले आहे.

अतिशय उच्च तंत्रज्ञानाने युक्त असे ड्रोन महाराष्ट्राच्या सागरी किनारपट्टीवर व जलधीक्षेत्रामध्ये लक्ष ठेवणार आहे .सेनापती नितेश राणे यांनी हाती घेतलेले ड्रोनास्त्र सुरक्षा, पर्यावरण,मत्स्य या म्हणजेच Security Environment Fisheries(SEF) या तिन्ही क्षेत्र SAFE ठेवण्यासाठी रामबाण उपाय ठरणार आहे. तसेच मत्स्य क्षेत्रातील प्रशासकीय अधिकारी यांना त्यांच्या कारभारावर लक्ष ठेवण्यासाठी अदृश्य ड्रोन ची सूचक इशारा देऊन सेनापती नितेश राणे यांनी आपल्या सैन्याला भविष्यातील वाटचालीची दिशा दाखवली आहे. .महाराष्ट्रातील पारंपारिक मच्छीमार,सागरी पर्यावरण वादी तसेच मत्स्यव्यवसाय मत्स्य उद्योग मंत्री सेनापती नितेश राणे यांनी घेतलेल्या भूमिकेमुळे समाधान व्यक्त केले जात आहे अशी माहिती रविकिरण तोरसकर यांनी प्रसिद्धी पत्राद्वारे दिली आहे.