आमदार वैभव नाईक यांनी ११ नोव्हेंबर रोजी प्रवेश करून घेतलेले बांदिवडे गावातील ओंकार मुरकर शिवसेनेत दाखल झाल्यानंतर शिवसेना आचरा विभागप्रमुख चंद्रकांत गोलतकर यांची प्रतिक्रिया.

ब्यूरो न्यूज : ११ नोव्हेंबर रोजी आमदार तथा बांदिवडे सरपंच मालवण युवा उपतालुका प्रमुख श्री. आशु मयेकर यांनी काल पुन्हा श्री.वैभव नाईक यांना मोठा धक्का दिला आहे. वैभव नाईक यांनी ११ नोव्हेंबर रोजी प्रवेश करून घेतलेले बांदिवडे गावातील ओंकार मुरकर शिवसेनेत दाखल झाले आहेत. या प्रवेशाबाबत प्रतिक्रिया देताना शिवसेना आचरा विभागप्रमुख चंद्रकांत गोलतकर यांनी सांगितले आहे की स्वयंभू सरपंच व कार्यकर्त्यांना तुम्ही आपले म्हटलात व त्यांच्या कडून काम करून मताधिक्य घेतलात. परंतु त्याच हिऱ्याच्या रुपातील कार्यकर्त्यांना उद्योग, लघुउद्योगाच्या रूपाने पैलु पाडला असता तर आज तुमची साथ सोडण्याची वेळ सुशिक्षित व बेरोजगार कार्यकत्यावर आली नसती. अंतिम विजय जवळ आलाय. कार्यकर्ते, मतदार तुमच्या सोबत राहायला तयार नाहीत. तुम्ही कित्येक वर्षे राणे परिवारावर टीका करून, दहशतवाद आहे म्हणून जनमानसात पसरवून स्वतःची पोळी भाजून घेण्यात धन्यता मानणाऱ्या कार्यकर्त्यांकडून मते मिळवण्याची धडपड बंद करा. विजय हा सत्याचा होणार असून आमदार म्हणून सन्मानीय डॉ. निलेश राणे विधानसभेत पोहाचतील यात कोणतीही शंका नाही असा विश्वास शिवसेना विभाग प्रमुख श्री. चंद्रकांत गोलतकर यांनी व्यक्त केला आहे.

यावेळी प्रफुल्ल प्रभू शाखा प्रमुख, बाळू माळकर, मोहन प्रभू लीला मुणगेकर, विकास आचरेकर , संतोष सावंत, विठोबा गुरव, मयुरेश राणे लखन बांदिवडेकर, अजय घाडी, केशव परब, पांडुरंग मुणगेकर, विठ्ठल मूरकर, श्रीधर हडकर, बबन मांजरेकर, सतिश आईर, शशांक परब, राजेश घाडीगावकर, करण घाडीगांवकर, शिवसैनिक उपस्थित होते.