कार्यसम्राट आमदार वैभव नाईक यांनी धनगर समाजाची कामे मार्गी लावली त्याचाच नवलराज काळे यांना पोटशूळ…!
ऑल इंडिया धनगर समाज माजी उपाध्यक्ष नवनाथ झोरे यांचा नवलराज काळे यांना टोला.
मालवण | प्रतिनिधी :ऑल इंडिया धनगर समाज माजी उपाध्यक्ष नवनाथ झोरे यांनी भटके विमुक्त आघाडी जिल्हाध्यक्ष नवलराज काळे यांनी आमदार वैभव नाईक यांच्यावर केलेल्या टीकेचा प्रत्युत्तर देत टोला लगावला आहे. नवनाथ झोरे यांनी दिलेल्या प्रसिद्धी पत्रात म्हणले आहे की गेल्या दहा वर्षात आमदार वैभव नाईक साहेब यांनी धनगर समाजाची विविध कामे मार्गी लावली आहेत त्याचाच पोटशूळ म्हणजे नवलराज काळे कार्यसम्राट आमदार वैभव नाईक यांच्यावर टीका करताना दिसत आहेत. आमदार वैभव नाईक हे धनगर समाजाचे प्रश्न जाणून घेण्यासाठी तिथल्या वाडी वस्त्याचा मागोवा घेत पाणी, रस्ते अशा विविध प्रश्नांचा अथक पाठपुरावा करत झटत आहेत.
नवनाथ झोरे यांनी पुढे म्हणले केले आहे की सन्माननीय निलेश राणे हे खासदार असताना त्यांनी संसदेमध्ये धनगर समाजासाठी किती वेळा आवाज उठवला? धनगर समाजासाठी खासदारकीच्या कार्यकालात किती नीधी दिला त्याचे उत्तर येत्या २० तारखेला मिळेल. आमदार वैभव नाईक हे धनगर समाजाला आपलेसे करतात म्हणून धनगर समाजाचे आशिर्वाद भरघोस मतदानाच्या रुपात आमदार वैभव नाईक यांना मिळणार आहेत असा विश्वास ऑल इंडिया धपगर समाज माजी उपाध्यक्ष नवनाथ झोरे यांनी व्यक्त केला आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
