माजी विमान वाहतूक मंत्री सुरेश प्रभू यांची केंद्रीय कॅबिनेट मंत्र्यांशी चर्चा.

मालवण | प्रतिनिधी : सिंधुदुर्ग जिल्हा पर्यटन जिल्हा म्हणून केंद्र शासनाने घोषित केला होता. पर्यटन जिल्हा म्हणून जिल्ह्यामध्ये विमानतळ कार्यान्वित केले होते. मुंबई सिंधुदुर्ग मुंबई अशी विमान वाहतूक सेवा काही कारणास्तव बंद करण्यात आली आहे .यामुळे दिवाळीच्या सुटी मध्ये मोठ्या प्रमाणात होणाऱ्या पर्यटनाच्या व्यवसायावर परिणाम जाणवत आहे. याला अनुसरून सुरेश प्रभू (माजी विमान वाहतूक मंत्री) यांनी किंजरापू राममोहन नायडू (केंद्रीय केबिनेट विमान वाहतूक मंत्री) यांच्याशी चर्चा करून ती सेवा तात्काळ सुरू करण्यात यावी यासाठी विनंती केली आहे. आवश्यक असणाऱ्या सुविधा उपलब्ध करून देण्यासाठी निवडणुकीनंतर महाराष्ट्र शासनाशी बोलून समन्वय घडवून आवश्यक ती सुविधा उपलब्ध करण्यासाठी प्रयत्न करणार आहेत. विमान सेवा सुरळीत करण्यासाठी ताबडतोब कारवाई करण्याचे आदेश व त्याची माहिती घेण्यास घेतली असून त्या संदर्भात कारवाई सुरू आहे असे केंद्रीय मंत्री किंजरापू राजमोहन नायडू यांनी फोनवर सुरेश प्रभू यांना दिली.

उडान या स्कीम मध्ये हा विमानतळ असल्यामुळे याच्या सुविधा उपलब्ध करून देणे अनिवार्य आहे असे सुरेश प्रभू यांनी केंद्रीय मंत्र्यांना सांगितले असून पंतप्रधान नरेंद्र मोदी देशा अंतर्गत पर्यटनाला चालना देण्यासाठी प्रयत्न करत असून, सिंधुदुर्ग जिल्हा हा भारतातील पहिला पर्यटन जिल्हा म्हणून घोषित झालेला असल्याने या ठिकाणी विमान वाहतूक सुविधा उपलब्ध करून देणे हे आवश्यकच आहे. यामुळे देशभरातील पर्यटक सिंधुदुर्ग जिल्ह्यात येण्यास मोठे सहाय्य होणार आहे . मुंबई सिंधुदुर्ग ही विमान वाहतूक सेवा आर्थिक दृष्ट्या सक्षम करण्यासाठी आवश्यक असून मोठ्या प्रमाणात पर्यटक मुंबईवरून या ठिकाणी येत असल्याने ही सुविधा उपलब्ध करून देणे अत्यावश्यक आहे .त्याचबरोबर रत्नागिरी मध्ये होत असलेल्या विमानतळा बाबत पण चर्चा करून या संबंधात आवश्यक असणारा समन्वयक साधण्याची सूचना माजी केंद्रीय मंत्री सुरेश प्रभू यांनी केंद्रीय मंत्र्याकडे केली आहे.