आमदार नितेश राणे २८ रोजी कणकवलीत भरणार विधानसभा उमेदवारी अर्ज.
कणकवली | ब्यूरो न्यूज : भारतीय जनता पार्टीचे आमदार नितेश राणे हे सोमवार दिनांक २८ ऑक्टोबर २०२४ रोजी सकाळी मान्यवरांच्या उपस्थितीत आपला उमेदवारी अर्ज भरणार आहेत. सोमवारी सकाळी १२ वाजता उमेदवारी अर्ज दाखल करण्यासाठी रॅलीने गांगो मंदिर ते प्रांत कार्यालय असे निघणार आहेत. त्यानंतर उमेदवारी अर्ज दाखल करून उप जिल्हा रुग्णालय कणकवली समोरील मैदानात जाहीर सभा संपन्न होणार आहे.
यावेळी भाजपा खासदार नारायण राणे, पालकमंत्री रविंद्र चव्हाण, माजी खासदार निलेश राणे, शालेय शिक्षण मंत्री दीपक केसरकर, गोव्याचे मंत्री आणि कोकण प्रभारी विश्वजित राणे तसेच जिल्ह्यातील मान्यवर मंडळी उपस्थित राहणार आहेत. जिल्ह्यातील भाजपा आणि महायुतीचे हितचिंतक तसेच जनता यांनी मोठ्या संख्येने यात सामील व्हावे असे आवाहन भाजपा जिल्हाध्यक्ष प्रभाकर सावंत यांनी केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
