श्रावण येथील आडवली - मालडी शिंदे गटाचे उपविभागप्रमुख प्रविण परब यांनी आ. वैभव नाईक यांच्या उपस्थितीत हाती घेतली मशाल.
ब्यूरो न्यूज : मालवण तालुक्यातील श्रावण येथील शिंदे गटाचे आडवली – माडली विभागाचे उपविभागप्रमुख प्रविण परब यांनी निलेश राणे यांच्या शिंदे गटातील पक्षप्रवेशाने नाराज होत पक्षाला सोडचिठ्ठी दिली आणि शिवसेना उद्धव बाळासाहेब ठाकरे पक्षात आ. वैभव नाईक यांच्या उपस्थितीत मशाल हाती घेऊन प्रवेश केला आहे. आमदार वैभव नाईक यांनी शिवबंधन बांधुन त्यांचे पक्षात स्वागत केले आहे.
यावेळी बोलताना प्रवीण परब म्हणाले की जा निलेश राणेंनी बाळासाहेब ठाकरेंवर खालच्या पातळीचे आरोप केले त्यांनाच मुख्यमंत्री एकनाथ शिंदेंनी पक्षाचे तिकीट दिले हा बाळासाहेबांचा अपमान सहन न झाल्यामुळे आणि राणेंच्या घराणेशाहीला कंटाळून आपण शिवसेना उद्धव बाळासाहेब ठाकरे पक्षात प्रवेश केला.
याप्रसंगी आडवली – मालडी विभाग प्रमुख बंडू चव्हाण,अरुण लाड, पक्ष निरीक्षक रामू विखाळे, संजय पारकर, बाबा आंगणे, दुलाजी परब,कांता मुद्राळे, स्वप्निल दळवी, नितीन पवार, एकनाथ राऊत आदी शिवसैनिक उपस्थित होते
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
