राज्यभरातून होत आहे अभिनंदन.

सिंधुदुर्ग | ब्युरो न्यूज : सावंतवाडी येथील चतुरस्त्र अभिनेत्री, साहित्यिक कल्पना बांदेकर यांना राज्यस्तरीय कलावंत पुरस्कार जाहीर झाला आहे. कलावंत विचारमंच, कमल फिल्म प्राॅडक्शन यांच्यावतीने दिला जाणारा तसेच, कमल अमृत नृत्य, कमल उद्योग समूह यांच्या सौजन्याने लोककवी वामनदादा कर्डक, भारतीय चित्रपटसृष्टीचे जनक दादासाहेब फाळके, कवी वसंत बापट, कवयित्री बहिणाबाई चौधरी यांच्या जयंती आणि स्मृतीदिनानिमित्त देण्यात येणारा हा राज्यस्तरीय कलावंत पुरस्कार आहे.

४२ विविध पुरस्कारांमध्ये सिंधुदुर्गातून कल्पना बांदेकर यांना हा पुरस्कार जाहीर झालाय. नाशिक येथे अध्यक्ष सुनील मोंढे यांच्या हस्ते १३ ऑक्टोबरला या पुरस्काराने कल्पना बांदेकर यांना सन्मानित केलं जाईल.

कल्पना बांदेकर गेली ३ दशके कला क्षेत्रात कार्यरत आहेत. नाट्य, एकांकिका, लघु चित्रपट, मालिका, बेव सिरीज, सिनेमा अशा वेगवेगळ्या माध्यमात त्यांनी काम केले आहे. याचबरोबर मालवणी कविता, लिखाण, बाल कविता त्यांच्या प्रसिद्ध आहेत. साहित्य क्षेत्रातही त्यांचे भरीव तथा सक्रीय योगदान आहे. कल्पना बांदेकर यांच्यावर राज्यभरातून अभिनंदनाचा वर्षाव होत आहे.