मळगांव | नितिन गावडे : नवरात्रोत्सव निमित्ताने सिंधुदुर्ग जिल्ह्यातील म्हापण गावातील उत्साही मिञमंडळाकडून दुर्गापूजनासह म्हापण – पाट बाजारपेठ पिंपळपार येथे विविध कार्यक्रमांचे आयोजन करण्यात आले आहे.

यामध्ये गुरुवार दिनांक ३ ऑक्टोबर रोजी दुर्गामाता पूजन, आरती, तिर्थप्रसाद, ग्रामस्थांची भजने, दांडीया व गरबा यांचे आयोजन करण्यात आले आहे, तसेच ी ४ ऑक्टोबर रोजी रात्री ९:३० वाजता नाईक मोचेमाडकर पारंपरिक दशावतारी लोक नाट्य मंडळ यांचा नाट्य प्रयोग होणार आहे. शनिवार ५ ऑक्टोबर रोजी नटराज प्रोडक्शन प्रस्तुत तुळशीदास दिग्दर्शीत विश्वकला मंच सावंतवाडी निर्मित कलाविष्कार, नृत्य, डान्स , विनोदांचा कार्यक्रम सादर केला जाणार आहे. रविवार ६ ऑक्टोबर रोजी खुल्या व ग्रामीण रेकॉर्ड डान्स स्पर्धेचे आयोजन करण्यात आले आहे. सोमवार ७ ऑक्टोबर रोजी बाबा मेस्त्री गृप नेरुर निर्मित ‘कोकणचो शिमगो’ मध्ये विविध चलचित्रे व हालते देखावे याचे सादरीकरण केले जाणार आहे.
मंगळवार ८ ऑक्टोबर रोजी खुल्या दांडीया स्पर्धा आयोजन तसेच बुधवार ९ ऑक्टोबर रोजी अग्गंबाई सुनबाई हे दोन अंकी मराठी रहस्यमय विनोदी नाटक ठेवण्यात आले आहे. गुरुवार १० ऑक्टोबर रोजी भजनप्रेमींसाठी डबलबारीचा जंगी सामना, ११ ऑक्टोबर रोजी चिमणी पाखर डान्स ॲकॅडमी कुडाळ आयोजित जलवा २०२४ कलाविष्काराचे आयोजन करण्यात आले आहे.

विजयादशमी निमित्ताने श्री सत्यनारायण महापुजा व महाप्रसाद ठेवण्यात आला आहे. या कार्यक्रमांचा सर्वांनी लाभ घ्यावा असे आवाहन उत्साही मित्रमंडळाकडून करण्यात आले आहे.