मालवणच्या माजी नगरसेविका सौ. पूजा करलकर यांना व्यसनमुक्ती व मधुमेहमुक्ती कार्यासाठी राज्यस्तरीय पुरस्कार.
२९ सप्टेंबर रोजी कोल्हापुरात पुरस्कार वितरण.
मालवण | प्रतिनिधी : सिंधुदुर्ग जिल्ह्यातील मालवणच्या समाजसेविका व माजी नगरसेविका सौ पूजा करलकर यांना, समर्थ सोशल फाउंडेशन व न्यूट्री व्हील हेल्थ प्रायव्हेट लिमिटेड आणि शिवशंभू निवासी व्यसनमुक्ती व पुनर्वसन केंद्र’ अंतर्गत सुरू असणाऱ्या व्यसनमुक्त व मधुमेह मुक्त भारत अभियानामध्ये राज्यस्तरीय पुरस्कार जाहीर झाला आहे. व्यसनी व मधुमेह असणाऱ्या लोकांना व त्यांच्या कुटुंबांना या त्रासातून बाहेर पडण्यासाठी मदत केल्याबद्दल या राज्यस्तरीय व्यसनमुक्ती व मधुमेह मुक्ती दूत या पुरस्काराने २९ सप्टेंबर रोजी त्यांना सन्मानित केले जाणार आहे.
संस्थेच्या व्यसनमुक्ती व मधुमेह मुक्ती कार्यामध्ये भाग घेऊन एक आदर्श निर्माण केल्याबद्दल राज्यस्तरीय व्यसनमुक्ती व मधुमेह मुक्ती दुत या पुरस्काराने त्यांना गौरविण्यात येणार आहे. जुना पुणे बेंगलोर रोड कावळा नाका कोल्हापूर या ठिकाणी त्यांना पुरस्कार प्रदान केला जाणार आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
