मालवणच्या इशांत वेंगुर्लेकर आणि लौकिक तळवडेकर यांची राज्य स्तरीय शालेय टेबल टेनिस स्पर्धेसाठी निवड.
मालवण | प्रतिनिधी : डेरवण येथे १८ सप्टेंबर २०२४ रोजी संपन्न झालेल्या कोल्हापूर विभागीय शालेय टेबल टेनिस २०२४/२५ स्पर्धेत मालवण टोपीवाला हायस्कूल मधील इयत्ता ८ वी मध्ये शिकत असलेल्या कु. इशांत वेंगुर्लेकर याची १७ वर्षाखालील मुलांच्या वैयक्तिक गटामध्ये राज्य पातळीवरील स्पर्धेसाठी निवड झाली. तसेच जय गणेश इंग्लिश स्कूल मालवण मध्ये इयत्ता ८ वी मध्ये शिकत असलेल्या कु. लौकिक तळवडेकर याची १४ वर्षाखालील मुलांच्या वैयक्तिक गटामध्ये राज्य पातळीवरील स्पर्धेसाठी निवड झाली.
हे दोघेही २३ सप्टेंबर ते २६ सप्टेंबर २०२४ या कालावधीत परभणी येथे राज्य स्तरीय टेबल टेनिस स्पर्धेत कोल्हापूर विभागाचे प्रतिनिधित्व करतील. या स्पर्धेत १४ वर्षाखालील मुलांच्या सांघिक गटामध्ये जय गणेश इंग्लिश स्कूल मालवण चा लौकिक तळवडेकर, योगेश परुळेकर, प्रज्वल नामनाईक, दीक्षांत शिवापूरकर यांच्या संघाने तृतीय क्रमांक पटकावला. या यशाबद्दल यशस्वी स्पर्धक आणि प्रशिक्षक चंद्रकांत साळवे यांची प्रशंसा होत आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
४१ व्या युवा राष्ट्रीय बास्केटबॉल चॅम्पियनशिप स्पर्धेत वैष्णवी परदेशी व अयान सोरठिया करणार महाराष्ट्राच्या संघाचे नेतृत्व.
मुख्यमंत्री देवेंद्र फडणवीस यांच्या हस्ते २७ ऑक्टोबर रोजी 'सीएम चषक' ४१व्या युथ नॅशनल बास्केटबॉल स्पर्धेचे उद्घाटन.
मालवणच्या रोझरी इंग्लिश स्कूल प्रशालेचा ॲथलीट कु. सोहम चव्हाण याची विभागीय स्पर्धेच्या पात्रतेची 'उंच उडी...!'
