पाल्य, पालक आणि दैनंदिन जीवनाच्या वेळापत्रकावर होतोय परीणाम ; इंग्रजी माध्यम प्रशालांची बदललेल्या वेळेचा मुद्दा.

मालवण | सुयोग पंडित : इंग्रजी माध्यमांच्या प्रशालांची बदललेली वेळ हा सध्या पाल्य, पालक आणि दैनंदिन जीवनाच्या एकंदर वेळापत्रकावर परीणाम करतोय असा सूर आहे. त्याचा पाल्य तथा विद्यार्थी विद्यार्थीनींच्या मानसीक स्थितीवरही परीणाम होतो कुजबंज सुद्धा सामान्य पालक वर्गात होत होती. दोन दिवसांपूर्वी सावंतवाडी येथील एका प्रशालेच्या पालक वर्गाने शिक्षण मंत्री दीपक केसरकर यांची भेट घेऊन यासंदर्भात निवेदन दिले होते. परंतु जिल्ह्यातील इतर ठिकाणहून सुद्धा आता या बदललेल्या वेळेविषयी शिक्षणमंत्र्यांचे लक्ष वेधण्यास आरंभ झाला आहे.

कुडाळ मालवण युवतीसेना प्रमुख अधिका तथा मालवणच्या समाजसेविका सौ शिल्पा यतीन खोत यांनी यासंदर्भात प्रसार माध्यमांच्या द्वारा शिक्षणमंत्र्यांचे लक्ष वेधले आहे. इंग्रजी शाळेची वेळ बदलण्यात आल्यामुळे ग्रामीण भागातून सकाळी ८ वाजता बाहेर पडणाऱ्या मुलांना शाळा आटोपून घरी पोहचण्यास सायंकाळी ४ ते ४.३० वाजतात. मुलांनी सकाळी डब्यातून आणलेले जेवण दुपारपर्यंत थंड होत असल्याने मुलांचा आहार, विश्रांती वगैरे सगळं गडबडून जातं असं सौ. शिल्पा यतीन खोत यांनी स्पष्ट केले आहे.

जेवणाची वेळ बदलल्याने त्यांच्या आरोग्यावर परिणाम होत आहे. काही लांब राहणाऱ्या पालकांना व नोकरदार पालकांना मुलांची ने- आण करताना धावपळ होत आहे. तसेच बदललेल्या वेळेमुळे मुलांना इतर स्पर्धा परीक्षांचे वर्ग, नृत्य, कराटे वगैरे प्रशिक्षणाला जाताना ओढताण होत आहे. मालवणात बाहेरुन येणारी मुलेही आहेत. या सर्व अडचणी लक्षात घेऊन शाळेची वेळ बदलून सकाळी ९ ते दुपारी १.३० किंवा ९ ते दुपारी २ करावी, मागणी पालकांनी शिक्षणमंत्र्यांना दिलेल्या निवेदनात केली आहे. बदलत्या काळात बहुतांश पालकांचे व्यवसाय सुद्धा हंगामी आहेत व त्यानुसार बदललेली वेळ खूप गैरसोयीची आहे असे सौ. शिल्पा यतीन खोत यांनी परखडपणे सांगितले आहे.

मालवणमधील इंग्लिश प्रशालांच्या पालकांच्या मतांचा अभ्यास करुन युवतीसेना प्रमुख अधिकारी सौ शिल्पा यतीन खोत यांनी यासंदर्भात शिक्षणमंत्र्यांचे जाहीर लक्ष वेधले आहे.