मसुरे |

मसुरे येथील आर. पी. बागवे हायस्कूल या प्रशालेच्या http://localhost/news/public/uploads/20 विद्यार्थ्यांना माजी विद्यार्थ्यांच्या वतीने दत्तक पालक योजनेअंतर्गत दत्तक घेण्यात आले. या सर्व विद्यार्थ्यांना शैक्षणिक साहित्य वितरित करण्यात आले. शालेय गणवेश,दप्तर, छत्री, पॅड व लेखन साहित्य मिळून 2,000 रू. किमतीच्या वस्तू प्रत्येक विद्यार्थ्यांना देण्यात आल्या.

यामध्ये अमरोझ फर्नांडिस यांनी 5 विद्यार्थी, राजन गोरे यांनी 2 विद्यार्थी, सुदाम परब यांनी 2 विद्यार्थी, पुष्पा बागवे (प्रिती राणे) यांनी 2 विद्यार्थी, रमेश पाताडे, अर्चना कोदे व आप्पा परब प्रत्येकी एक विद्यार्थी,याशिवाय राजन परब १, प्रसाद बागवे १ असे विद्यार्थी दत्तक घेऊन त्यांचा संपूर्ण वर्षभराचा शैक्षणिक खर्च करण्यात येणार आहे.याशिवाय 3 गरीब होतकरू विद्यार्थ्यांना वर्षभरातील मोफत एस टी पास देण्यात येणार आहे.

यावेळी व्यासपीठावर प्रशालेच्या मुख्याध्यापिका अर्चना कोदे, रमेश पाताडे , एन एस जाधव , घाटे , समीर नाईक , श्रीमती जाधव , श्रीमती भोगले व श्रीमती तळाशीलकर तसेच जगदीश चव्हाण संस्था सभासद उपस्थित होते. मुख्याध्यापकांनी सर्व दात्यांना धन्यवाद दिले तर कार्यक्रमाचे प्रास्ताविक व आभार प्रदर्शन श्री रमेश पाताडे यांनी केले.