परुळेकर गल्लीत पडलेले झाड हटवले ; माजी बांधकाम सभापती यतीन खोत यांचे नगरपरिषद कर्मचारी वर्गासह मदतकार्य.
मुसळधार पाऊस व जोरदार वारा यामुळे झाड पडून तुटलेल्या वीज वाहिन्याही पूर्ववत.
मालवण | प्रतिनिधी : मालवण मधील परुळेकर गल्ली येथे आज ( दि. १५ जुलै) दुपारी सोसाट्याच्या वार्याने एक झाड कोसळले. त्यानंतर तिथली रहदारी ठप्प झाली व काही वीज वाहिन्या तुटल्या. ही बाब, मालवण नगरपरिषदेचे माजी नगरसेवक व माजी बांधकाम सभापती यतीन खोत यांच्या निदर्शनास येताच त्यांनी तत्काळ तिथे जाऊन पहाणी केली. यानंतर नगरपरिषदेचे कर्मचारी वर्ग व काही नागरिकांच्या साथीने श्री यतीन खोत यांनी ते झाड बाजुला हटवले. या नंतर रहदारी व वीज वाहिन्या पूर्ववत करण्यात आल्या.
मुसळधार पावसात केलेल्या या मदतकार्यात माजी बांधकाम सभापती यतीन खोत व नगपरीषद मुकादम आनंद वळंजु व इतर कर्मचारी यांच्या साथीने समीर शेख़, विकी, श्री. बांदिवडेकर यांनी योगदान दिले. या मदतकार्यानंतर परिसरातील नागरीकांनी समाधान व्यक्त केले व माजी बांधकाम सभापती यतीन खोत व मदत कार्यातील सर्वांचे आभार मानले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
