मसुरे | प्रतिनिधी : शासनाच्या वतीने फेब्रुवारी २०२४ मध्ये घेण्यात आलेल्या पूर्व उच्च प्राथमिक शिष्यवृत्ती परीक्षा गुणवत्ता यादीत जि .प. पू. प्रा . शाळा वेरलीची कु . उर्वी उमेश खराबी हिने मालवण तालुक्यातून ग्रामीण प्रभागातून तिसरा क्रमांक प्राप्त करत जिल्ह्याच्या शिष्यवृत्ती गुणवत्ता यादीत स्थान प्राप्त केले आहे. त्याबद्दल वेरळ पंचक्रोशीत उर्वी खराबी व वेरली प्रशालेचे समाजातील सर्व स्तरातून अभिनंदन होत आहे.वेरळ सरपंच श्री. धनंजय परब, उपसरपंच श्री. दिनेश परब, केंद्रप्रमुख श्री. नंदकिशोर गोसावी, प्रशालेचे शाळा व्यवस्थापन समिती अध्यक्ष नारायण पोयरेकर, उपाध्यक्ष सौ सिल्व्हिया लोबो व सर्व शाळा व्यवस्थापन समिती सदस्य, प्रशालेच्या माजी उच्च श्रेणी मुख्याध्यापिका सौ. शुभदा रेडकर, श्री. गणेश रेडकर आदी मान्यवरांनी शाळेला भेट देऊन कु. उर्वी खराबी हिचे तसेच शाळेचे मुख्याध्यापक श्री. राजेंद्र धारपवार, मार्गदर्शक शिक्षक श्री. उमेश खराबी, सौ. विमल खराबी व श्री.अविनाश उबाळे यांचे अभिनंदन करत पुढील वाटचालीसाठी शुभेच्छा दिल्या. मालवण तालुका गटशिक्षणाधिकारी श्री . संजय माने , वेरळ ग्रा . पं. सदस्य, शाळेचे माजी शिक्षक, पालक, वेरळ ग्रामस्थ आणि शाळेचे माजी विद्यार्थी यांनीही कु. उर्वीचे अभिनंदन केले आहे.