नूतन चेअरमन सत्यवान भोगले व मान्यवर सदस्यांनी, माजी चेअरमन सत्यवान सावंत यांच्या योगदानाची केली प्रशंसा.

शिरगांव | प्रतिनिधी : देवगड तालुक्यातील चाफेड गांवचे माजी सरपंच श्री. सत्यवान सूर्यकांत भोगले यांची माध्यमिक विद्यामंदिर, साळशी यांच्या स्कूल कमिटीच्या चेअरमनपदी नुकतीच निवड करण्यात आली. श्री. सत्यवान भोगले हे माध्यमिक विद्यामंदिर साळशी, यांच्या कमिटीवर दोन दशकांपेक्षा जास्त काळ सक्रीय आहेत. त्यांची या कमिटीवर चेमरमन म्हणून सर्व शिक्षक वर्ग व कमिटी सदस्य व संस्था सदस्य यांनी एक मुखी बिनविरोध निवड केली.

त्याच प्रमाणे स्कूल कमिटीवर प्रशालेचे मुख्याध्यापक माणिक वंजारे, सचिव सदस्य म्हणून संजय शशिकांत लाड ( भरणी ), विजय अनंत घाडी ( साळशी ), प्रदीप महादेव घाडी ( चाफेड ), सुरेश गणपत पवार ,( माईण ), साक्षी संजय गावकर ( साळशी ), संजय गणेश मराठे ( सहा. शिक्षक प्रतिनिधी ), सदाशिव बाबाराव भिसे ( शिक्षकेतर कर्मचारी ) यांची निवड करण्यात आली.

यावेळी, मावळते तथा माजी चेअरमन सत्यवान भास्कर सावंत यांच्या कामाचीही विशेष प्रशंसा करण्यात आली. यावेळी नूतन चेअरमन सत्यवान भोगले यांचे माजी चेअरमन सत्यवान सावंत, शिक्षक, ग्रामस्थ यांनी विशेष अभिनंदन केले. चाफेड, भरणी, आयनल, माईण परिसरात पहिल्यांदा चेअरमन पद मिळाल्याबद्दल सत्यवान भोगले यांचे सर्वत्र विशेष अभिनंदन होत आहे.