साथी हाथ बढाना ; मालवणातील रिक्षा व्यावसायिकांनी सहकारी रिक्षा व्यावसायिक बांधवाला दिला मदतीचा हात…!
मालवण | सुयोग पंडित : सिंधुदुर्ग जिल्ह्यातील मालवण शहरातल्या काही रिक्षा व्यावसायिक बांधवांनी शहरातील एक सहकारी रिक्षा व्यवसायिक श्री दीपक पाटकर यांना स्वेच्छेने मदतीचा हात दिला आहे. रिक्षा व्यावसायिक श्री. दीपक पाटकर यांच्या रिक्षाचे काही दिवसापूर्वी वादळात मोठे नुकसान झाले होते. त्यांना उदरनिर्वाहासाठी रिक्षा दुरुस्त करणे आवश्यक आहे आणि त्यासाठी आर्थिक मदतीची देखिल आवश्यकता आहे हे लक्षात आल्यानंतर मालवणातील व पंचक्रोशीतील काही रिक्षा व्यवसायिक बांधवांनी यथाशक्ती पैसे जमवले आणि एकूण रोख २३ हजार रुपयांची मदत केली आहे. या मदतीनंतर रिक्षा व्यावसायिक श्री. दीपक पाटकर भारावून गेले आणि त्यांनी मदत केलेल्या सर्व रिक्षा व्यवसायिकांचे आभार मानले आहेत.
रिक्षा व्यावसायिक बांधवांच्या या कृती नंतर, ” साथी हाथ बढाना…एक अकेला थक जाएगा मिलकर बोझ उठाना” या गाण्याच्या ओळींची प्रचिती आल्याच्या व रिक्षा व्यावसायिक बांधवांची प्रशंसा करणार्या प्रतिक्रिया शहरातून व्यक्त होत आहेत.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
वेंगुर्लेत महाराष्ट्र चेंबर ऑफ कॉमर्सची 'गाव तिथे उद्योजक’ संकल्पनेवर विशेष बैठक संपन्न.
वेंगुर्लेत महाराष्ट्र चेंबर ऑफ कॉमर्सची 'गाव...
४१ व्या युवा राष्ट्रीय बास्केटबॉल चॅम्पियनशिप स्पर्धेत वैष्णवी परदेशी व अयान सोरठिया करणार महाराष्ट्राच्या संघाचे नेतृत्व.
