सावंतवाडीत उद्या 'ऑल दि बेस्ट रन..!'
सावंतवाडी | प्रतिनिधी : सिंधुदुर्ग जिल्ह्यातील दोन मॅरॅथाॅन धावक प्रसाद कोरगांवकर व ओंकार पराडकर यांची द. आफ्रिकेतील काॅम्रेड मॅरॅथाॅनसाठी निवड झाली आहे. अवघ्या आठवडाभरात हे दोन्ही धावक द. आफ्रिकेच्या भूमीवर त्यांचा मॅरॅथाॅन ठसा उमटवणार आहेत.
मॅरॅथाॅन धावक प्रसाद कोरगांवकर व ओंकार पराडकर यांना शुभेच्छा देण्यासाठी उद्या सावंतवाडी येथे विशेष अशी ऑल दि बेस्ट रनचे आयोजन करण्यात आले आहे. सिंधू रनर्स, रनर्स व PAWS यांच्या एकत्रित आयोजना द्वारे ही रन संपन्न होणार आहे.
उद्या २ जूनला सकाळी ६ वाजता सावंतवाडी राजवाडा येथून ही रन सुरु होणार आहे. त्यानंतर संपूर्ण मोती तलाव लगत फेरी मारत पुन्हा सावंतवाडी राजवाडा येथे येत ही रन संपन्न होणार आहे.
या वेळी जिल्ह्यातील विविध क्षेत्रातील मान्यवर उपस्थित रहाणार आहेत. या ‘ऑल दि बेस्ट रन’ ला सर्वांनी उपस्थित रहायचे आवाहन आयोजकांनी केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
