आडारी नदीपात्रात तरुणाचा बुडून अंत...!
मालवण | प्रतिनिधी : सिंधुदुर्ग जिल्ह्यातील मालवण शहराजवळील आडारी नदीपात्रात बुडून देवेंद्र उर्फ दीपक जयराज वेंगुर्लेकर ( वय २५ वर्षे ) या तरुणाचा दुर्दैवी अंत झाल्याची घटना आज दुपारी घडली. रंगपंचमी सण साजरा करुन आंघोळीसाठी आडारी नदीपात्रात देवेंद्र उर्फ दीपक जयराज वेंगुर्लेकर उतरले होते. त्यांच्या अकाली निधनाने मालवण व आडारी परिसरात शोक व्यक्त होत आहे. नदीतील पाण्याचा अंदाज न आल्याने दीपक यांचा बुडून मृत्यू झाला आहे.
दीपक यांना उपचारासाठी मालवण ग्रामीण रुग्णालयात आणले होते परंतु त्यांची प्राणज्योत मालवली. ही दुर्घटना दुपारी पावणेबाराच्या सुमारास घडली. दीपक यांच्या पश्चात आई, वडिल, विवाहीत बहीण असा परिवार आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
