मालवण | प्रतिनिधी : सिंधुदुर्ग जिल्ह्यातील मनसेचे माजी मालवण तालुकाध्यक्ष विनोद सांडव यांनी त्यांच्या अनेक कार्यकर्त्यांसह काही दिवसांपूर्वी मनसे पक्षातून बाहेर पडायचा निर्णय घेतला होता मात्र त्यापुढील राजकीय भूमिका जाहीर केली नव्हती. आता विनोद सांडव यांनी त्यांच्या कार्यकर्त्यांसह माजी आमदार व ज्येष्ठ नेते परशुराम उर्फ जिजी उपरकर यांच्या राजकीय भूमिकेसोबत आपण व आपले सहकारी कार्यकर्ते असू असे प्रसिद्धी संदेशाद्वारे जाहीर केले आहे.

माजी आमदार व मनसेचे माजी राज्य सरचिटणीस परशुराम उर्फ जिजी उपरकर यांनी मनसे पक्षाचा राजीनामा दिल्यानंतर ते त्यांची आगामी राजकीय दिशा कुडाळ येथील १८ फेब्रुवारी रोजी होणाऱ्या कार्यकर्ता मेळाव्यातून स्पष्ट करणार आहे. आमचे नेते परशुराम उपरकर जो निर्णय घेतील त्यासोबत आम्ही सर्व कार्यकर्ते ठाम राहू अशी भूमिका मनसे माजी तालुकाध्यक्ष विनोद सांडव यांनी स्पष्ट केली आहे.

परशुराम उर्फ जिजी उपरकर यांच्या नेतृत्वात आम्ही अनेक वर्षे काम करत आहोत. संघटनेसाठी व कार्यकर्त्यां साठी तन मन धन अर्पण करत उपरकर नेहमीच कार्यरत राहिले. कार्यकर्त्याला बळ देणे त्याच्या सोबत राहणे. हे कार्य करत असताना पारदर्शक पद्धतीने जिल्ह्यात विकास झाला पाहिजे ही त्यांची भूमिका राहिली. आगामी काळात कार्यकर्ते यांच्या बाजूने विचार करत तसेच जिल्ह्याच्या विकासाच्या दृष्टीने ते जो राजकीय निर्णय घेतील त्याससोबत मालवण तालुक्यातील असंख्य कार्यकर्ते सोबत आहेत. कुडाळ येथे १८ फेब्रुवारीला होणार्या मेळाव्यात मालवण तालुक्यातून शेकडोंच्या संख्येने कार्यकर्ते जाणार आहेत. अशी माहिती विनोद सांडव यांनी दिली.

मनसे माजी शहर अध्यक्ष भारती वाघ, विध्यार्थी मनसेना उपतालुकाध्यक्ष जनार्दन आजागावकर, माजी तालुकाध्यक्ष प्रशांत पराडकर, सर्जेकोट शाखाध्याक्ष दर्शन सावजी यांसह मिलिंद तेली, पांडुरंग करवडकर, सुदेश जामसंडेकर, विनायक परब, राजेश केळुस्कर, रुपेश केळुस्कर, दर्शन सावजी, अथर्व गोखले, मंदार पराडकर, चिन्मय पराडकर, जयेश पराडकर, प्रेमानंद पराडकर, मंदार हिंदळेकर, विभाग अध्यक्ष दिनेश तांडेल यासह अनेक आजी माजी पदाधिकारी आणि कार्यकर्ते यांनी राजीनामा देत माजी तालुकाध्यक्ष विनोद सांडव यांच्या भूमिकेसारखीच भूमिका घेऊन माजी आमदार परशुराम उर्फ जिजी उपरकर यांच्या आगामी निर्णयाशी सहमती दर्शविली आहे.