भाजपा नेते निलेश राणे यांच्या संकल्पनेतून मालवण जेटी येथे प्रभू श्रीरामांची ३० फूट उंच भव्य प्रतिमा २५ हजार विद्युत दिव्यांची रोषणाई.
मालवण | प्रतिनिधी : सिंधुदुर्ग जिल्ह्यातील मालवण शहरात काल २२ जानेवारीला अयोध्येतील प्रभू श्रीरामांच्या मूर्ती प्राणप्रतिष्ठापणा सोहळ्याच्या निमित्ताने भाजपा कुडाळ मालवण निवडणूक प्रमुख श्री. निलेश राणे यांच्या संकल्पनेतून मालवण जेटी येथे प्रभू श्रीरामांची ३० फूट उंच प्रतिमा साकारण्यात आली. याचसोबत मालवण जेटी परिसरात २५ हजार दिव्यांची रोषणाई देखील करण्यात आली आहे. आज सायंकाळी निलेश राणे यांनी मालवण जेटी येथे साजरा होत असलेल्या उत्सव सोहळ्यासाठी उपस्थिती दर्शवली होती यावेळी माजी जि. प. अध्यक्ष अशोक सावंत, मालवण माजी नगराध्यक्ष सुदेश आचरेकर, जिल्हा बँक संचालक बाबा परब, विजय केनवडेकर, माजी गटनेते नगरसेवक गणेश कुशे, माजी नगरसेवक दीपक पाटकर, अप्पा लूडबे, पूजा करलकर, पंकज सादये, भाजयुमो तालुका अध्यक्ष मंदार लुडबे, शहर अध्यक्ष ललित चव्हाण तसेच भाजप पदाधिकारी, भाजयुमो कार्यकर्ते, असंख्य भाजप कार्यकर्ते व मालवण शहरातील श्रीरामभक्त मोठ्या संख्येने उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
