माजी सरपंच मंगेश उर्फ जिजा टेमकर हे पत्राचे सूचक तर अनुमोदक अनिल कारंजे.

मालवण | सुयोग पंडित : सिंधुदुर्ग जिल्ह्यातील मालवण तालुक्यातल्या आचरा येथील श्री देव रामेश्वर देवस्थान कसबा आचरे ट्रस्टच्या जाचक अटींसंदर्भात ग्रामसभेतील ठरावाबाबत सहा. धर्मादाय आयुक्त सिंधुदुर्ग यांना २४ डिसेंबरच्या आचरा ग्रामसभेत सर्वानुमते झालेल्या ठरावाचे पत्र आचरा ग्रामपंचायत सरपंच जेराॅन फर्नांडिस, ग्रामविकास अधिकारी यांच्या तर्फे देण्यात आले आहे. या ग्रामसभेला आचरा वासियांची लक्षणीय उपस्थिती होती व इनामदार श्री देव रामेश्वर कसबा आचरे ट्रस्टमध्ये प्रत्येकी ८ महसुली गांवाप्रमाणे कायमस्वरूपी सदस्य मिळणे व देवस्थान कमिटीने सदस्रपदासाठी जाचक व भावनीक अटी केल्याबद्दल ग्रामस्थांनी दिलेल्या अर्जाबाबत ठराव क्र. ९ सर्वानुमते मंजूर केला गेला होता त्याची अधिकृत माहिती सहाय्यक धर्मादाय आयुक्त सिंधुदुर्ग यांना देण्यात आली आहे व याची प्रत धर्मादाय आयुक्त भवन मुंबई व सार्वजनिक न्यास नोंदणी कार्यालय कोल्हापुर यांनाही पाठविली गेली आहे. या ठरावाचे सूचक आचरा ग्रामपंचायत माजी सरपंच व आचरा ग्रामस्थ मंगेश उर्फ जिजा टेमकर तर अनुमोदक म्हणून अनिल कान्होबा कारंजे आहेत

या वेळी सरपंच जेराॅन फर्नांडिस, उपसरपंच संतोष मिराशी, यांच्यासह माजी सरपंच मंगेश उर्फ जिजा टेमकर, नारायण कुबल, श्यामसुंदर घाडी, जयंत पांगे, अर्चन उर्फ छोटू पांगे व पांडुरंग वायंगणकर सोबत उपस्थित होते.