शिवकालीन परंपरा असलेल्या उत्सवात रोजगार, व्यापार व उद्योजकता वाढीसाठी दर्या राजाकडे प्रार्थना ; मालवण तालुका व्यापारी संघ व मच्छिमार बांधवांचे नियोजन.

मालवण | सुयोग पंडित : सिंधुदुर्ग जिल्ह्यातील मालवण शहरातल्या शिवकालीन परंपरेचा वारसा जपणारा ‘नारळी पोर्णिमा उत्सव २०२३’ चैतन्यमयी वातावरणात संपन्न झाला. कुडाळ मालवणचे आमदार वैभव नाईक यांच्या विशेष उपस्थितीत मालवण व्यापारी संघाचे अध्यक्ष उमेश नेरुरकर यांच्या हस्ते समुद्राची विधिवत पूजा करून समुद्राला नारळ अर्पण करण्यात आला. यावेळी दर्या राजाकडे रोजगार, व्यापार व उद्योजकता वाढीसाठी प्रार्थनेत करण्यात आली.

या उत्सवाला शिवसेना उद्धव बाळासाहेब ठाकरे पक्षाचे मालवण तालुकाप्रमुख हरी खोबरेकर, व्यापारी संघाचे उपाध्यक्ष नाना पारकर, माजी नगराध्यक्ष महेश कांदळगावकर, माजी बांधकाम सभापती मंदार केणी, नितीन वाळके, शहरप्रमुख बाबी जोगी, युवासेना तालुका समन्वयक मंदार ओरसकर, उपशहर प्रमुख सन्मेश परब, युवासेना उपतालुका प्रमुख अमित भोगले, महिला तालुका प्रमुख दिपा शिंदे, किरण वाळके, महेश जावकर, तपस्वी मयेकर, हेमंत मोंडकर,महेंद्र म्हाडगुत, नरेश हुले, सुहास वालावलकर, नवनाथ झोरे यांसह व्यापारी संघाचे पदाधिकारी, मालवण मधील ग्रामस्थ व मच्छिमार मोठ्या संख्येने उपस्थित होते.