बिळवस वरचावाडा येथे रस्ता कामाचे भूमीपूजन सरपंच मानसी पालव यांच्या हस्ते संपन्न.
मसुरे | प्रतिनिधी : सिंधुदुर्ग जिल्ह्यातील मालवण तालुक्यातल्या बिळवस ग्रामपंचायत कार्यक्षेत्रातील बिळवस वरचावाडा येथील श्री भाई माधव यांच्या घरानजीक रस्ता खचल्याने नागरिकांना गैरसोईचे ठरले होते. सदर ठिकाणी ग्रामपंचायतच्या वतीने प्राधान्याने विकास काम मंजूर करून गणेश चतुर्थी पूर्वी रस्ता पूर्ववत करण्याचे नियोजन करण्यात आले आहे. सरपंच सौ मानसी पालव यांच्या हस्ते भूमिपूजन करून या कामाचा शुभारंभ आज शुक्रवारी करण्यात आला. यामुळे ग्रामस्थांमधून समाधान व्यक्त करण्यात येत आहे.
यावेळी ग्रा पं सदस्य संतोष पालव, प्रकाश फणसे, सौ रंजना पालव, ग्रामसेवक युगल प्रभूगांवकर, आबा पालव, प्रशांत पालव, आनंद पालव, पंढरीनाथ पालव, सिद्धेश पालव, भूषण पालव, रोशन पालव, सुहास माधव आदी ग्रामस्थ उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
