सावंतवाडी येथील ॲड.आरती पवार यांची सहाय्यक सरकारी अभियोक्ता पदी निवड.
कणकवली | गणेश चव्हाण : नुकत्याच घेण्यात आलेल्या महाराष्ट्र लोकसेवा आयोगामार्फत सहाय्यक सरकारी अभियोक्ता या परीक्षेमधून सहाय्यक सरकारी अभियोक्ता महाराष्ट्र राज्य वर्ग १ पदी नुकतीच ॲड. आरती पवार यांची निवड झाली. सावंतवाडी येथील ॲड. आरती पवार या सिंधुदुर्ग येथील जिल्हा विधी सेवा प्राधिकरण यांचे कार्यालयात सहाय्यक लोक अभिरक्षक या पदी कार्यरत आहेत. त्यांनी कराड येथील लॉ कॉलेज येथे एल. एल. बी. चे शिक्षण पूर्ण केले. त्यानंतर त्यांनी सावंतवाडी तालुका व सिंधुदुर्ग मधील इतर तालुका व सिंधुदुर्ग जिल्हा न्यायालयात तसेच गोवा येथील न्यायालयात दिवाणी व फौजदारी प्रॅक्टिस केली.
या यशाचे श्रेय त्यांनी आपले आईवडील व मित्र परिवाराला दिले. हे यश संपादन करण्यास ॲड. श्रीनिवास गवस व ॲड. वैभव चव्हाण यांचे विशेष सहकार्य लाभले. सहाय्यक सरकारी अभियोक्ता या पदी ॲड. आरती पवार यांची निवड झाल्यामुळे सर्व स्तरातून कौतुक होत आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
कविवर्य नारायण सुर्वे जन्मशताब्दीनिमित्त 'गोपुरी आश्रम' कणकवली येथे १८ ऑक्टोबर रोजी अभिवादन सोहळ्याचे आयोजन.
