अन्यथा नागरीकांना घेऊन नगरपरिषद येथे आंदोलन करणार ; शिवसेना उ.बा. ठा. पक्षाचे शहरप्रमुख पृथ्वीराज ऊर्फ बाबी जोगी यांचा नगरपरिषद मुख्याधिकारी यांना निवेदनातून इशारा.

प्रकाशन: 08 Aug 2023 01:27 PM

वाचन संख्या 277

बातम्या

मालवणातील पथदीप (स्ट्रीट लाईट) समस्येबाबत वेधले लक्ष.

मालवण | सुयोग पंडित : सिंधुदुर्ग जिल्ह्यातील शिवसेना उद्धव बाळासाहेब ठाकरे पक्षाचे मालवण शहर प्रमुख पृथ्वीराज ऊर्फ बाबी जोगी यांनी मालवण नगरपरिषद हद्दीतील पथदीप समस्येबाबत मालवण नगरपरिषद मुख्याधिकारी यांना आज निवेदन दिले.

सध्या पावसाळा आहे व मालवण शहरातील २५% ते ३०% एवढ्या प्रमाणात स्ट्रीट लाईट व हायमास्ट सुस्थितीत आहेत असे पृथ्वीराज ऊर्फ बाबी जोगी यांनी निवेदनात नमूद केले आहे. मुख्य रस्ते, गल्ली बोळांत सरपटणारे प्राणी वगैरेंचा अंधारात धोका आहे. यंदा पाऊसही जास्त असल्याने या सर्व स्थितीत नागरीकांना चालणे अवघड होत असून येणारा काळ हा सणासुदीचाही आहे.

नगरपरिषद प्रशासनाने येत्या १५ दिवसांत या सर्व पथदीपांची योग्य ती दुरुस्ती करावी अन्यथा नागरीकांना घेऊन नगरपरिषद येथे आंदोलन करण्यात येईल असा इशारा शिवसेना उद्धव बाळासाहेब ठाकरे पक्षाचे मालवण शहर प्रमुख पृथ्वीराज ऊर्फ बाबी जोगी यांनी लेखी निवेदना द्वारे दिला आहे.

संबंधित बातम्या