भाजप भटके विमुक्त आघाडी जिल्हाध्यक्ष नवलराज काळे यांचा एसटी महामंडळाला इशारा

वैभववाडी/ प्रतिनिधी : सध्या वैभववाडी शिराळे मार्गावरील एसटी बस सेवा विस्कळीत झालेली दिसताच भाजप भटके विमुक्त आघाडी जिल्हाध्यक्ष तथा ग्रामपंचायत सदस्य नवलराज काळे, ग्रामपंचायत सदस्य प्रियांका पाटील, शिराळे बूथ अध्यक्ष भाजपा विजय पाटील यांनी वाहतूक नियंत्रक बाबू गुरखे यांची भेट घेत ग्रामस्थांच्या सह्या घेतलेले दिले निवेदन सदर निवेदन विभागीय नियंत्रण कार्यालय कणकवली यांना देण्यात आले. या निवेदनात श्री काळे शिराळे येथील सर्व बसेस वेळापत्रकानुसार चालू करून विस्कळीत झालेली बस सेवा त्वरित सुरू करावी मानव विकासच्या गाड्या बंद असताना रेगुलर गाड्या शिराळे गावापर्यंत सोडाव्यात. रोजच्या वेळापत्रकानुसार गाड्या सुटावेत अशी केली मागणी त्याचप्रमाणे कुर्ली गाव हे वैभववाडी तालुक्यात आहे का असा.. असेल तर मग वैभववाडी तालुक्यातून कुर्ली आणि कुर्ली गावातून वैभववाडी तालुक्यात येणारी एकही बस सेवा का नाही असा प्रश्न करत मागे दिलेल्या निवेदनाचा संदर्भ देत वैभववाडी (सडुरे तांबळघाटी) मार्गे कुर्ली एसटी बस फेऱ्या त्वरित चालू कराव्या अन्यथा लोकशाही मार्गाचा अवलंब करू असा इशारा काळे यांनी आपल्या निवेदनातुन दिला आहे. काळे यांनी केलेल्या मागण्या जर मान्य झाल्या तर सडूरे शिराळे कुर्ली सहित अरुळे, निम अरुळे, सांगुळवाडी या गावातील प्रवेश यांना देखील मोठ्या प्रमाणात फायदा होणार आहे. या मागणीनंतर एसटी प्रशासनाच्या भूमिकेकडे सर्वांचे लक्ष आहे.