शैक्षणिक, सामाजिक, पर्यावरण क्षेत्रामध्ये देत असलेल्या योगदान बद्दल सन्मान

बांदा / प्रतिनिधी: नैसर्गिक पर्यावरण संवर्धन व मानवता विकास संस्था, सिंधुदुर्ग विभाग या संस्थेच्या वतीने शैक्षणिक, सामाजिक, पर्यावरण क्षेत्रामध्ये देत असलेल्या योगदान बद्दल बांद्याच्या श्री. राकेश परब यांना ‘पर्यावरण मित्र सन्मान’ पुरस्कार देऊन सन्मान करण्यात आले.

कुडाळ येथील मराठा हॉल मध्ये संपन्न झालेल्या या कार्यक्रमात राकेश परब यांना मान्यवरांच्या हस्ते सन्मानित करण्यात आले. श्री. राकेश परब हे गेली २३ वर्षे शैक्षणिक, सामाजिक, पर्यावरण अशा विविध उपक्रमात सहभागी होऊन आपले कार्य करत आहेत. या कार्यांची दखल घेत नैसर्गिक पर्यावरण संवर्धन व मानवता विकास संस्था, सिंधुदुर्ग विभाग यांनी त्यांना सन्मानित केले आहे.

यावेळी व्यासपीठावर श्री. संदेश किंजवडेकर, कुडाळ तालुका गट शिक्षणा अधिकारी, श्री.विनायक परब, सिंधुदुर्ग जिल्हा – परब मराठा समाज,श्री. डॉ. बापू अशोक भोगटे ,पर्यावरण प्रेमीश्री. रामचंद्र परब ,संघटक – परब मराठा समाज कोकण विभाग अध्यक्ष बापू परब, जोईल डीस्लील्वा, आदि मान्यवर उपस्थित होते.

या कार्यक्रमात सिंधुदुर्ग जिल्ह्यातील सामाजिक, सांस्कृतिक, पर्यावरण , विषयक कार्ये करणाऱ्या संस्था ना सन्मानित करण्यात आले. कार्यक्रमाचे सुत्रसंचालन बापू परब यांनी तर आभार श्री गावडे यांनी मानले.फाटो कँप्शन नैसर्गिक पर्यावरण संवर्धन व मानवता विकास संस्था, सिंधुदुर्ग विभाग यांच्या वतीने श्री. राकेश परब यांना पर्यावरण मित्र पुरस्कारने सन्मानित करताना मान्यवर छाया :-