पळसंब ग्रामपंचायत येथे सौ.मृणाली मुरलीधर पुजारे आणि सौ.जयवंती जयवंत सावंत यांचा गौरव..!
मालवण | सुयोग पंडित : सिंधुदुर्ग जिल्ह्यातील मालवण तालुक्यातल्या पळसंब ग्रामपंचायत येथे सौ.मृणाली मुरलीधर पुजारे आणि सौ.जयवंती जयवंत सावंत यांना महाराष्ट्र शासन महिला बालविकास विभागा मार्फत पुरस्कृत २०२३-२०२४ सालचा ‘पुण्यश्लोक अहिल्यादेवी होळकर पुरस्कार’ प्रदान करण्यात आला.
पळसंब ग्रामपंचायत कार्यालयात सरपंचांच्या हस्ते प्रदान झालेल्या या पुरस्कारात गौरवीत महिलांना शाल,श्रीफळ व प्रशस्तीपत्र देण्यात आले. सामाजिक क्षेत्रातील भरीव योगदान दिलेल्या महिलांना महाराष्ट्र शासनातर्फे हा गौरव करण्यात येतो. यावेळी पळसंब ग्रामपंचायत सरपंच,उपसरपंच, ग्रामपंचायत सदस्य, अंगणवाडी सदस्य उपस्थित होते.
हा पुरस्कार मिळाल्याबद्दल पळसंब ग्रामस्थ तसेच पळसंब गांवच्या मुंबईस्थित ग्रामस्थांनी सौ.मृणाली मुरलीधर पुजारे आणि सौ.जयवंती जयवंत सावंत यांची प्रशंसा व अभिनंदन केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
