शिरगाव | संतोष साळसकर: फेब्रुवारी २०२३ मध्ये पार पडलेल्या उच्च माध्यमिक शालांत प्रमाणपत्र परीक्षेत शिरगाव कनिष्ठ महाविद्यालयाचा निकाल ९९.३१ टक्के लागला असून महाविद्यालयाने यशाची परंपरा कायम राखली आहे. वाणिज्य आणि कला या दोन्ही शाखांमध्ये प्रथम तीन क्रमांक पटकाविण्याचा मान मुलींना मिळाला आहे. वाणिज्य शाखेतून दर्शना राणे तर कला शाखेतून हर्षदा चव्हाण यांनी प्रथम क्रमांक पटकाविला आहे.वाणिज्य शाखेत महाविद्यालयातून १०१ विद्यार्थी परीक्षेस प्रविष्ट झाले होते. या शाखेचा १०० टक्के निकाल लागला असून अनुक्रमे दर्शना राणे हिने ८९ टक्के, साक्षी नरे हिने ८४.६७ टक्के तर साक्षी साटम हिने ८३.८५ टक्के गुण मिळवून अनुक्रमे प्रथम, द्वितीय व तृतीय क्रमांक पटकावला. कला शाखेतून ४५ विद्यार्थी परीक्षेचा प्रविष्ट झाले होते. त्यापैकी ४४ विद्यार्थी उत्तीर्ण झाले असून या शाखेचा ९७.७७ टक्के निकाल लागला असून अनुक्रमे हर्षदा चव्हाण हिने ६८.८७ टक्के, सानिका तर्फे हिने ६६.३३ टक्के तर माधुरी सुर्वे हिने ६५.१७ टक्के गुण मिळवून अनुक्रमे प्रथम, द्वितीय व तृतीय क्रमांक मिळविले.विद्यार्थ्यांनी मिळविलेल्या या नेत्रदीपक यशाबद्दल शिरगाव पंचक्रोशी शिक्षण प्रसारक मंडळ मुंबईचे अध्यक्ष अरुण कलें, संस्था पदाधिकारी, संचालक, प्राचार्य शमशुद्दीन आत्तार यांनी अभिनंदन केले.