सावंतवाडी सार्वजनिक बांधकाम कार्यकारी अभियंता कार्यालयासमोर ग्रामस्थांसह बेमुदत उपोषणाला बसणार ; कास सरपंच प्रवीण पंडित यांचा इशारा.
बांदा | राकेश परब : सिंधुदुर्ग जिल्ह्यातील शेर्ले-कास रस्त्यावर जीवघेणे खड्डे पडल्याने अपघाताची शक्यता निर्माण झाली आहे. सदर रस्त्याचा प्रस्ताव मंजुरी करिता पाठविला असून गेले वीस दिवस प्रलंबित आहे. येत्या १९ एप्रिल पर्यंत कामाचा प्रारंभ आदेश न झाल्यास सावंतवाडी सार्वजनिक बांधकाम कार्यकारी अभियंता कार्यालयासमोर ग्रामस्थांसह बेमुदत उपोषणाला बसणार असल्याचा इशारा कास सरपंच प्रवीण पंडित यांनी दिला आहे. पावसाळ्यापूर्वी कास-शेर्ले खड्डेमय रस्त्याचे डांबरीकरण होणे गरजेचे आहे. मात्र यावर कोणतेही कार्यवाही झाली नाही. संबंधित कार्यालयाशी वारंवार पाठपुरावा करूनही दुर्लक्ष होत आहे.
गांवातील नागरिकांना पावसाळ्यात अपघातांसह अनेक समस्यांना सामोरे जावे लागण्याची शक्यता नाकारता येत नाही. तारीख १९ एप्रिल पूर्वी कामाचा प्रारंभ आदेश प्राप्त न झाल्यास २० एप्रिल रोजी सकाळी ११ वाजल्यापासून सार्वजनिक बांधकाम विभाग सावंतवाडी कार्यकारी अभियंता यांच्या कार्यालयासमोर कास गावातील नागरिकांसह बेमुदत उपोषणास बसणार असल्याचा इशारा कास सरपंच प्रवीण पंडित यांनी दिला. तसेच यावेळी होणाऱ्या परिणामांची जबाबदारी प्रशासनाची राहील असेही पत्रात नमूद केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
वेंगुर्लेत महाराष्ट्र चेंबर ऑफ कॉमर्सची 'गाव तिथे उद्योजक’ संकल्पनेवर विशेष बैठक संपन्न.
वेंगुर्लेत महाराष्ट्र चेंबर ऑफ कॉमर्सची 'गाव...
४१ व्या युवा राष्ट्रीय बास्केटबॉल चॅम्पियनशिप स्पर्धेत वैष्णवी परदेशी व अयान सोरठिया करणार महाराष्ट्राच्या संघाचे नेतृत्व.
