ह.भ.प.योगीराज महाराज वटवृक्ष मंदिर समितीच्या सेवेकऱ्यांकडूनही प्रथमेश इंगळेंचा सन्मान

मसुरे | प्राजक्ता पेडणेकर: जो मनुष्य या जीवनाला सकारात्मक विचारसरणीची जोड आपल्या जीवनाला देवून नित्य सातत्यपुर्ण दिनचर्येचे सुसंस्कृत जीवन जगतो त्या व्यक्तीस धाडसी जीवनाचे दैवी शक्तीचे वरदान लाभते. योगायोगाने आज हे सर्व गुण येथील मंदिर समितीचे अध्यक्ष महेश इंगळे यांनी अंगीकारल्याने नित्यपणे सातत्यपूर्ण दिनचर्येची परीसीमा आखून जीवन जगत असल्याने त्यांच्या अंगी कौशल्य व धाडसी जीवनाचे कसब आहे. त्यांना या दैवी शक्तीचे वरदान लाभलेले आहे. आज त्यांचे चिरंजीव प्रथमेश इंगळे हे आत्ताच वयात येत आहेत. प्रथमेश याने त्यांचे वडील महेश इंगळे प्रमाणे धाडसी जीवनाची कास तरुण वयापासूनच जोपासावी व त्याचे सातत्य वडिलांप्रमाणे राखावे याकरिता स्वामी समर्थांचे व आमचे आशीर्वाद त्यांच्या पाठीशी आहेत.वडीलां प्रमाणे त्यानेही आता धाडसी जीवनाची दिशा आत्मसात करण्यास सुरुवात करावी असे प्रतिपादन औरंगाबादचे प्रसिद्ध कीर्तनकार ह.भ.प.योगीराज महाराज यांनी केले. आज येथील श्री वटवृक्ष स्वामी महाराज देवस्थानच्या अतिथी कक्षात अध्यक्ष महेश इंगळे व विश्वस्त मंडळींच्या उपस्थितीत प्रथमेश इंगळे यांचा वाढदिवस साजरा करण्यात आला. यानिमित्त ह.भ.प. योगीराज महाराजांनी प्रथमेश इंगळे यांचा शाल, श्रीफळ, पुष्पगुच्छ देऊन सन्मान केला. केक कापून वाढदिवसाच्या आनंद साजरा करण्यात आला. याप्रसंगी ह.भ.प. योगीराज महाराज बोलत होते.याप्रसंगी मंदिर समितीचे सचिव आत्माराम घाटगे, विश्वस्त महेश गोगी, मंगेश फुटाणे, श्रीशैल गवंडी, श्रीकांत मलवे, नितीन दिवाकर, प्रवीण घाटगे, सागर गोंडाळ, स्वामीनाथ लोणारी, गणेश क्षीरसागर, गिरीश पवार, सचिन हन्नूरे, संजय पवार, प्रसाद सोनार, श्रीपाद सरदेशमुख, काशिनाथ इंडे इत्यादी उपस्थित होते.