रंगीत धाग्यांनी साकारले छत्रपती शिवराय.....!
वराडकर हायस्कूलच्या श्रेया चांदरकर हिची अप्रतिम कलाकृती
ब्यूरो चिफ/विवेक परब-तिथीप्रमाणे साजरा होणाऱ्या छत्रपती शिवाजी महाराज जयंतीचे औचित्य साधत मालवण तालुक्यातील वराडकर हायस्कूल व कनिष्ठ महाविद्यालय कट्टा येथे इयत्ता आठवी मध्ये शिकणारी कु. श्रेया समीर चांदरकर हिने एक एक धागा जोडत छत्रपती शिवाजी महाराजांची प्रतिमा साकारली.
छत्रपती शिवाजी महाराजांच्या प्रतिमा भारतभर विविध रूपामध्ये साकारल्या गेल्या. काहींनी भव्य रांगोळ्या मधून, पेंटिंग मधून, कोलाज चित्रांच्या माध्यमातून तर प्रत्यक्ष शेतामध्ये छत्रपती शिवरायांचे रूप साकारले .
परंतु एखाद्या शाळकरी मुलीने विविध रंगीत दोऱ्यांच्या सहाय्याने विणलेले छत्रपती शिवरायांचे चित्र सिंधुदुर्गातच नव्हे तर महाराष्ट्रातील पहिले असावे. जवळपास पाच दिवस अथक परिश्रम घेत तिने हे चित्र पूर्ण केले.
सध्या दहावी व बारावीच्या परीक्षा असल्यामुळे शाळा एक वेळ भरते. घरी लवकर आल्यामुळे तिने या वेळेचा सदुपयोग करत छत्रपती शिवाजी महाराजांची प्रतिमा साकारली. यासाठी जवळपास 100 विविध रंगांच्या दोऱ्यांचा वापर तिने केला. यासाठी तीला वडील व कलाशिक्षक श्री समीर चांदरकर यांचे मार्गदर्शन लाभले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
शिवसेना जिल्हाप्रमुख दत्ता सामंत यांचे आचरा येथे उत्स्फूर्त स्वागत व सत्कार.
