साळशी सोसायटीच्या वतीने ४ मार्च रोजी साळशी येथील श्री भवानी सभागृहात कर्जविषयक मार्गदर्शन शिबिराचे आयोजन
संतोष साळसकर | सहसंपादक: देवगड तालुक्यातील साळशी विविध कार्यकारी सहकारी सेवा सोसायटी मर्यादित, साळशी संस्थेच्या शेतकरी सभासदांसाठी कर्ज विषयक व संस्था विकासात्मक मार्गदर्शन करण्यासाठी शनिवार दि. ४ मार्च रोजी दुपारी ३ वाजता येथील श्री भवानी सभागृह ( माळवदे हॉल ) याठिकाणी मार्गदर्शन शिबिराचे आयोजन करण्यात आले आहे. या शिबिराचे उद्घघाटन सिंधुदुर्ग जिल्हा मध्यवर्ती सहकारी बँकेचे जिल्हाध्यक्ष मनीष दळवी आणि देवगड तालुका सिंधुदुर्ग जिल्हा मध्यवर्ती सहकारी बँक संघाचे संचालक अॅड. प्रकाश बोडस यांच्या हस्ते होणार आहे. यावेळी प्रमुख अतिथी म्हणून देवगड तालुका खरेदी विक्री सहकारी संघाचे अध्यक्ष अॅड. अजितराव गोगटे, संचालक सुभाष नार्वेकर, संतोष फाटक, राजू शेटये, शैलेश जाधव, साळशी सरपंच सौ. वैशाली सुतार, उपसरपंच कैलास गावकर आदी मान्यवर उपस्थित राहणार आहेत. तरी सर्व सभासदांनी वेळीच उपस्थित रहावे असे आवाहन संस्था चेअरमन व विद्यमान संचालक साळशी वि. का. स. सेवा सोसायटी मर्यादित, साळशी यांनी केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
शिवसेना जिल्हाप्रमुख दत्ता सामंत यांचे आचरा येथे उत्स्फूर्त स्वागत व सत्कार.
