ब्यूरो चिफ-विवेक परब- देवगड महाविद्यालयाची M.Sc. भौतिकशास्त्र विभागाची विद्यार्थिनी, NCC cadet JUO रेणुका विलास राणे हिची अग्निवीर GD (महिला मिलिटरी पोलीस) करिता निवड झाली आहे. चिकाटी, प्रामाणिक प्रयत्न आणि सातत्य या जोरावर तिने हे यश संपादन केले आहे. शालेय शिक्षणाबरोबर, NCC आणि क्रीडा क्षेत्रातील तिच्या यशामुळे तिने महाविद्यालयाचे नाव वेळोवेळी विविध स्तरावर उंचावले आहे. रेणुका हिचे इ.११वी पासूनचे शिक्षण देवगड महाविद्यालयामधे झाले. तिने २०२२ मध्ये भौतिकशास्त्र विषयातून पदवी प्राप्त केली तसेच त्याच वर्षी झालेल्या नॅशनल ग्रॅज्युएट फिजिक्स एक्झाम (NGPE) मध्ये राज्य पातळीवर सर्वोत्तम १०% विद्यार्थ्यांमध्ये स्थान मिळवले. यंदाच्या वर्षी महाविद्यालयाच्या भौतिकशास्त्र विभागातून M.Sc. करत असताना मुंबई विद्यापीठ पातळीवर उंच उडी क्रीडाप्रकारात तिने कांस्य पदक मिळविले होते. महाविद्यालयाच्या कला, क्रीडा, NCC, शैक्षणिक अशा सर्व उपक्रमांमध्ये तिचा सहभाग असायचा. यातून आत्मविश्वास वृध्दिंगत होऊन व्यक्तिमत्व विकास झाला तसेच, महाविद्यालयातील करियर मार्गदर्शन इत्यादीचा लाभ तिला झाला. प्रशस्त मैदान, जिमखाना, ग्रंथालय आणि वाचनगृह अशा महाविद्यालयातील सुविधांचा तिने सर्वांगीण प्रगतीकरिता प्रभावीपणे वापर केला. ५८ महाराष्ट्र बटालियन NCC सिंधुदुर्गच्या अधिकाऱ्यांचे आणि कर्मचाऱ्यांचे मार्गदर्शन आणि सहकार्य देखील तिच्या या यशामध्ये मोलाचे आहे.देवगड महाविद्यालय आणि कॉलेज NCC UNIT ला तिचा अभिमान आहे. महाविद्यालयातील NCC अधिकारी लेफ्ट. डॉ. सुनेत्रा ढेरे, प्रा. प्रसाद मालवणकर, भौतिकशास्त्र विभाग प्रमुख डॉ. माने, प्राचार्या डॉ. सुखदा जांबळे यांनी तसेच सर्व प्राध्यापक, शिक्षकेतर कर्मचारी, संस्था पदाधिकारी यांच्याकडून रेणुकाचे अभिनंदन करण्यात आले असून पुढील वाटचालीसाठी शुभेच्छा देण्यात आल्या.