मडूरेतील आगीत जीवन प्राधिकरणची पाईपलाईन खाक
बांदा : राकेश परब: मडुरा डिगवाडी येथील जुन्या नाबर स्कूल समोरील भागात आज दुपारी अचानक आग लागली. यात महाराष्ट्र जीवन प्राधिकरणच्या पाईपलाईनसाठी टाकलेले पाईप जळून खाक झाले. सावंतवाडी नगरपरिषदेचा अग्निशमन बंब उशिराने दाखल झाला. मात्र, तोपर्यंत आग आटोक्यात आली होती.
आग विझविण्यासाठी माजी उपसरपंच विजय वालावलकर, पोलीस पाटील नितीन नाईक, ऋषी खर्डे यांनी प्रयत्न केला. मात्र दुपारची वेळ व वारा असल्याने आग विझविणे अशक्य झाले. या दुर्घटनेत जीवन प्राधिकरणचे लाखो रुपयांचे नुकसान झाले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
