३२ महिलांनी घेतला सहभाग ; फेनोरी,खाज़ा,चकली,शेव, शंकरपाळी ,बालुशाहीच्या पाककलेचे प्रशिक्षण.

बांदा | राकेश परब : सिंधुदुर्ग जिल्ह्यातील कोकण कला व शिक्षण विकास संस्था आणि ग्रामपंचायत भडगांव बुद्रुक यांच्या संयुक्त विद्यमाने दिनांक ६ फेब्रुवारी २०२३ रोजी भडगांव ग्रामपंचायत येथे १५ व्या वित्त आयोगा अंतर्गत बचत गटातील महिलांसाठी मोफत खाद्यपदार्थ बनवण्याचे प्रशिक्षण देण्यात आले. महिला , शेतकरीवर्ग व युवकांना स्वयंरोजगाराभिमुख प्रशिक्षण देण्याच्या उद्देशाने कोकण कला व शिक्षण विकास संस्था सर्वतोपरी सहकार्य करत असते.

या प्रशिक्षणात बचत गटातील ३२ महिलांनी सहभाग घेतला होता. फेनोरी,खाजा,चकली,शेव, शंकरपाळी ,बालुशाही आदी खाद्यपदार्थ बनविण्याचे प्रात्यक्षिक दाखविण्यात आले. या शिबिरासाठी श्रीम. प्रियांका शेटय़े प्रशिक्षक म्हणून लाभल्या होत्या. यावेळी संस्थेचे समन्वयक श्री. समीर शिर्के यांनी महिलांना स्वतःचे व्यवसाय सुरू करण्यासाठी मार्गदर्शन केले.

ग्रामसेवक . अनिला घुगरे यांनी ग्रामपंचायतच्या माध्यमातून महिलांसाठी सर्वतोपरी सहकार्य करण्याचे आश्वासन दिले. भडगांव गावच्या सरपंच . प्रणिता गुरव यांनी महिलांना शुभेच्छा दिल्या व कोकण संस्थेचे आभार मानले. या प्रशिक्षणाला उपस्थित सर्व महिलांना संस्थेच्या वतीने मान्यवरांच्या उपस्थितीत प्रमाणपत्र वाटप करण्यात आले. हा उपक्रम यशस्वी करण्यासाठी कोकण कला व शिक्षण संस्थेचे प्रकल्प व्यवस्थापक श्री. प्रथमेश सावंत, श्री. प्रदीप पवार, .भावना साटम तसेच ग्रामपंचायतीचे सर्व कर्मचारी यांचे महत्त्वाचे योगदान लाभले.