कुडोपी टेंबवाडी, खालची वाडी येथे माघी गणेश जयंतीनिमित्त विविध कार्यक्रमांचे आयोजन.
मालवण | सुयोग पंडित : सिंधुदुर्ग जिल्ह्यातील मालवण तालुक्यातल्या आचर्या जवळील कुडोपी गावात दरवर्षी प्रमाणे श्रीगणेश मंदिर कुडोपी, या मंदिरामध्ये बुधवारी २५ जानेवारीला माघी श्री गणेश जयंती उत्सव साजरा करण्यात येत आहे. या सोहळ्याला सर्वांनी उपस्थित राहुन महाप्रसादाचा व कार्यक्रमाचा लाभ घ्यावा असे निमंत्रण कुडोपीतील ग्रामस्थ सेवा मंडळ,टेंबवाडी,खालची वाडी यांच्यातर्फे देण्यात आले आहे.
या उत्सवात बुधवारी २५ जानेवारीला सकाळी ०९ वाजता गणेश पुजा व अभिषेक सोहळा , ११ वाजता महाआरती व तीर्थप्रसाद, दुपारी १ वाजता महाप्रसाद ,४ वाजता महिलांचा हळदी कुंकू समारंभ, संध्याकाळी ७ वाजता नित्याची आरती, रात्री ८ वाजता सुस्वर भजने आणि समारोपाला रात्री १० वाजता गावातील मुलांचे नृत्य व विविध गुणदर्शक सांस्कृतिक कार्यक्रम असे सोहळ्याचे नियोजन करण्यात आले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
