तपस्वी मयेकर यांनी सर्व ट्राॅलर मच्छिमार व व्यावसायिकांतर्फे मानले मत्स्यमंत्री सुधीर मुनगंटीवार यांचे विशेष आभार.

मालवण | सुयोग पंडित : सिंधुदुर्ग जिल्ह्यातील मालवणातले ट्राॅलर मालक तपस्वी मयेकर यांनी डिझेल परताव्याबाबत आमदार वैभव नाईक व मत्स्यमंत्री सुधीर मुनगंटीवार यांचे आभार मानले आहेत.

कोरोना काळ व इतर नैसर्गिक आपत्तींमुळे हतबल झालेल्या सिंधुदुर्ग जिल्ह्यातील मच्छिमारांना डिझेल परताव्यामुळे आता थोडा दिलासा मिळाला आहे. महाराष्ट्र शासनाकडून सिंधुदुर्ग जिह्यातील मच्छिमारांना डिझेल परतावा मंजूर व्हावा यासाठी कुडाळ मालवणचे आमदार वैभव नाईक यांनी नुकत्याच महाराष्ट्र शासनाच्या हिवाळी अधिवेशनात डिझेल परतावा संदर्भात ‘तारांकित प्रश्न’ उपस्थित केला होता. या वेळी सन्माननीय मत्स्य मंत्री सुधीर मुनगंटीवार यांनी यावर उत्तर देताना लवकरच मच्छिमारांना जास्तीत जास्त परतावा देण्यात येत असे असे अश्वासीत केले होते आणि त्या प्रमाणे सिंधुदुर्ग जिह्यासाठी सुमारे ६ कोटी रपयांचा डिझेल परतावा रक्कम अदा करण्यात आली.

यासाठी सर्व मच्छिमार व ट्राॅलर मालक यांच्यातर्फे आपण आमदार वैभव नाईक व मत्स्यमंत्री सुधीर मुनगंटीवार यांचेही विशेष आभार मानत असल्याचे प्रतिपादन तपस्वी मयेकर यांनी केले आहे.