तत्काळ डिझेल परतावा दिल्याने मच्छिमार बांधव व सोसायट्या समाधानी असल्याचा निर्वाळा .

मालवण | सुयोग पंडित : सिंधुदुर्ग जिल्ह्यातील मालवण भाजपाचे नेते व माजी नगराध्यक्ष अशोक तोडणकर, बुथप्रमुख नारायण धुरी व वसंत गांवकर यांनी भाजपतर्फे मत्स्यमंत्री सुधीर मुनगंटीवार , पालकमंत्री रवींद्र चव्हाण व माजी खासदार व युवा नेते डाॅ. निलेश राणे यांच्या मच्छिमार बांधव व सोसायटी यांच्या समस्यांच्या योग्य पाठपुराव्याबद्दल समाधान व्यक्त केले आहे.

महाराष्ट्र राज्यातील भाजपा शिंदे गटाचे युती सरकार महाराष्ट्रात आल्यावर सिंधुदुर्ग जिल्ह्याचे पालकमंत्री रवींद्र चव्हाण यांनी जिल्ह्याची आढावा बैठक घेतली होती. यावेळी आमदार नितेश राणे व माजी खासदार युवा नेते डाॅ. निलेश राणे मयांनी सिंधुदुर्ग जिल्ह्यातील मच्छीमारांच्या समस्येबाबत सविस्तर वास्तव स्थिती सांगितली होती. केंद्रातील मत्स्य संपदा योजना सक्षमपणे जिल्ह्यात न राबविणे, त्यात राजकीय हस्तक्षेप करणे ,डिझेल परतावा न मिळणे ,सागर मित्र यांची नेमणूक न करणे, वादळातील मिळालेली नुकसान भरपाईत पक्षपात करणे असे प्रकार झाल्याची कैफियत यावेळी पालकमंत्र्यांकडे मांडली गेली होती . यालाच अनुसरून पालकमंत्र्यांनी मंत्रालयामध्ये मत्स्य मंत्री सुधीर मुनगंटीवार यांच्याकडे बैठक आयोजित केली होती. त्यावेळी डिझेल परतावा वेळेवर न मिळाल्यास सोसायटीचे व मच्छीमारांचे होणारे नुकसान या संदर्भात निलेश राणे यांनी स्पष्टता केली होती. नि:पक्षपणे व मागे न लागता , लाचारी न करता भरघोस परतावा व संपूर्ण परतावा द्यावा अशी मागणी केली होती .त्या अनुसरून सुधीर मुनगंटीवार यांनी तात्काळ डिझेल परतावा दिला. त्याचबरोबर केंद्रातील मत्स्य संपदा योजना जिल्ह्यात सक्षमपणे राबवण्यासाठी सागर मित्र नेमणूक करणे आवश्यक आहे अशी मागणी केली होती त्या अनुसरून जिल्ह्यात १० सागरमित्रांची नेमणूक केली. कायमस्वरूपी सहाय्यक आयुक्तांची सुद्धा तात्काळ नेमणूक करण्यात आली आहे. समुद्र गस्तीसाठी आवश्यक आर्थिक तरतूद करून कार्यान्वित करण्यात आली आहे .

भाजपा शिंदे सरकार मुळे प्रशासन कसे गतिमान झाले आहे याचीही प्रचिती जनतेला येत आहे. मच्छीमारांच्या प्रश्नाकडे युती सरकार गांभीर्याने पाहत आहे. आघाडी सरकार वेळी हक्काचे पैसे भीक मागल्यासारखा निधी मागावा लागत होता आणि सरकार उपकार करते अशा हमीभावात पक्षपात करून निधी देत होता. याचीच प्रसिद्धी घेण्याचे काम स्थानिक आमदार करत होते असा आरोप देखील करण्यात आला होता.

मत्स्य संपदा योजनेतील व चांदा ते बांदा ,सिंधू रत्न योजनेतील प्रलंबित प्रस्ताव लवकरात लवकर कार्यवाहीत होण्यासाठी डाॅ. निलेश राणे यांच्यामार्फत भाजपा कार्यरत असून मच्छीमार व मच्छीमार सोसायटीचे प्रलंबित प्रश्न मार्गी लावण्यासाठी प्रयत्न करत आहे .तसेच माशांवर प्रक्रिया करणारे उद्योग लघु सूक्ष्म मध्यम उद्योग मंत्रालयामार्फत मा. नारायण राणे यांच्या मार्गदर्शनाखाली प्रयत्न करत आहे .
डिझेल परताव्यासाठी भरघोस निधी दिल्याबद्दल व सागर मित्र याची नेमणूक केल्याबद्दल मत्स्यमंत्री सुधीर मुनगंटीवार, पालकमंत्री रवींद्र चव्हाण व डाॅ. निलेश राणे यांचे मालवणचे माजी नगराध्यक्ष व भाजपा नेते अशोक तोडणकर , बुथप्रमुख नारायण धुरी,बुथ प्रमुख वसंत गांवकर व इतर भाजपा पदाधिकारी,कार्यकर्ते यांनी जाहीर आभार मानले आहेत.