संत दादा महाराज प्रभू यांची पुण्यतिथी भक्तिमय वातावरणात संपन्न!
विवेक परब/ ब्यूरो चिफ– वायंगणी येथील श्री दत्त साक्षात्कारी संत दादा महाराज प्रभू यांच्या ५२ व्या पुण्यतिथीनिमित्त श्री समर्थ दादा महाराज समाधी व दत्त मंदिर, वायंगणी येथे विविध धार्मिक व सांस्कृतिक कार्यक्रम पार पडले. सकाळी रामदास प्रभू यांच्या हस्ते विधिवत पूजा संपन्न झाली. तसेच निशाण फेरी काढण्यात आली. तर दुपारी महाप्रसादाचे आयोजन करण्यात आले होते. यानिमित्त चंद्रकांत कावले व सहकारी तसेच ओम साई प्रासादिक भजन मंडळाचे भजन सादर झाले. यावेळी भाविकांनी उपस्थित राहून दर्शनाचा व महाप्रसादाचा लाभ घेतला. दादा महाराज यांच्या चरित्रावर यापूर्वी दोन भागात पुस्तके प्रकाशित करणारे महाराजांचे उपासक सीताराम उर्फ नाना करमळकर यांनी तिसऱ्या भागाचे पुस्तकही प्रकाशित केले आहे. या पुस्तकाचे लिखाण सेवानिवृत्त शिक्षक विनायक कोळंबकर यांनी केले आहे. या पुण्यतिथी कार्यक्रमास नाना करमळकर, उद्योजक डॉ. दीपक परब, हनुमंत प्रभू, रामदास प्रभू, दामोदर साळकर, अंभू प्रभू, दत्तप्रसाद पेडणेकर यांसह ग्रामस्थ व महाराजांचे भक्त उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
शिवसेना जिल्हाप्रमुख दत्ता सामंत यांचे आचरा येथे उत्स्फूर्त स्वागत व सत्कार.
