मसुरे | प्राजक्ता पेडणेकर: जिल्हा परिषद पूर्ण प्राथमिक शाळा खुडी नं.१आणि खुडी माध्यमिक विद्यालयाच्या विद्यार्थ्यांसाठी अवकाश दर्शन कार्यक्रम आयोजित करण्यात आला होता. सुर्यमाला,ग्रह,तारे,सप्तर्षी तारकासमूह,आकाशगंगा इत्यादींची सविस्तर माहिती रा.स्व.संघ संचलित देवगड तालुका फिरती विज्ञान प्रयोगशाळा प्रकल्प समितीच्या माध्यमातून श्री.मंदार माईणकर यांनी प्रोजेक्टरद्वारे छोट्या पडद्यावर करून दिली.त्यानंतर शाळेच्या समोरील मोठ्या पटांगणावर रात्रीच्या वेळेस ७.०० ते ९.३० पर्यंत दुर्बिणीतून सर्व मुलांना आकाशातील काही ग्रह-तारे यांचे दर्शन दाखविले.शनीभोवती असलेली कडी,गुरू,शुक्र,मंगळ, पाहताना विद्यार्थी खूप उत्साहीत होते.त्याशिवाय ध्रुवतारा,कृतिका तारकासमूह,तारे उगम-शेवट,अवकाश संशोधन इत्यादी माहिती सविस्तर तपशीलवार सांगितली.त्याच बरोबर रा.स्व.संघ जनकल्याण समिती जिल्हा कार्यवाह श्री.जयेश खाडीलकर, प्रकल्प शिक्षक श्री.भगिरथ राणे ,प्रकल्प प्रमुख श्री.चेतन पुजारे यांनी विद्यार्थ्यांना मार्गदर्शन केले.खुडी माध्यमिक विद्यालयाच्या मुख्याध्यापिका सौ.गोरे, खुडी प्राथमिक शाळेचे मुख्याध्यापक श्री.कदम , श्री.पास्ते ,श्री. तांबे ,श्री.योगेश पाटील ,श्री.साटम,सौ.सामंत मॅडम,श्री.वाळके श्री.राऊळ यांच्या प्रयत्नाने हा एक नाविन्यपूर्ण उपक्रम राबविला गेला.कार्यक्रमाचे प्रास्ताविक श्री. योगेश पाटील यांनी केले.