ग्रामीण भागातील लाभार्थी केरोसीनपासून वंचित ; शिधापत्रिका धारक नाराज.

तुटपुंज्या कमिशनमुळे वितरकही आहेत हैराण..!

संतोष साळसकर | ब्यरोचीफ : नागरिकांना शिधापत्रीकेवर लाभार्थी ना मिळणारे केरोसीन वितरण होत नसल्याने ग्रामीण भागात अत्यावश्यक असणारे केरोसीन पासून लाभार्थी वंचित किरकोळ केरोसीन वितरक आणि शिधापत्रीकाधारक यांचेमधे वाद निर्माण होत आहेत.

पुरवठा विभाग कार्यालय कडून वितरकाना या बाबत कोणतीही अधिकृत सूचना किंवा आदेश प्राप्त नसल्याने
केरोसीन मिळेल की नाही याबाबत विक्रेते अनभिज्ञ आहेत. त्यामुळे शिधापत्रीकाधारक लाभार्थी ना याचे समाधानकारक उत्तरही ते शकत नाहीत.
गेल्या दोन महिन्यांपासून केरोसीन वितरण होत नसल्याने ग्रामीण भागात मोठी समस्यांना निर्माण झाली आहे. केरोसीन चे दर मोठया प्रमाणात वाढत असल्याने या साठी मोठी आर्थिक गुंतवणूक करावी लागते. केरोसीन चा विक्री प्रती लीटर दर शंभरी गाठत आहे. या सर्व प्रतिकूल परिस्थितीत कमी मिळणारे तुटपुंजे कमिशन यामुळेच वितरण व्यवस्था कोलमडल्याचे काही वितरक यांची प्रतिक्रिया आहे.

शासन धान्य सवलतीच्या दरात उपलब्ध करून देत आहे. तसेच सणासुदीसाठी वस्तू सार्वजनिक वितरण करण्यात येणार आहे.
परंतु केरोसीनची दर वाढ ही
सर्व सामान्य माणसाच्या आवाक्याबाहेरचे आहे.त्यामुळे सर्वसामान्य व्यक्ती मधून तीव्र नाराजी उमटत आहे.
एकंदरच सध्या सामान्य माणसांचा ‘घासलेट घाम’ काढत असल्याचीच प्रतिक्रिया आहे.