पर्यटन व्यावसायिक महासंघाचा 'पर्यटन मित्र' पुरस्काराने गौरव..!
सिंधुदुर्ग जिल्हा पर्यटन व्यावसायिक महासंघाचे अध्यक्ष विष्णू मोंडकर यांनी मानले राज्य सरकारचे आभार.
मालवण | सुयोग पंडित : गेल्या १२ महिन्यांच्या कालावधीत विविध शिबिरे, उपक्रम,जागृती,चर्चासत्रे तसेच पर्यटन व्यवसाय वृद्धीसाठी कटीबद्धतेचा संदेश घेऊन पर्यटन व्यावसायिक महासंघ कार्यरत आहे. त्याची आता राज्य सरकारने दखल घेऊन पर्यटन व्यावसायिक महासंघाला ‘पर्यटन मित्र’ पुरस्काराने गौरविले आहे.
पर्यटन व्यावसायिक महासंघ कोकणातील पर्यटन वाढीसाठी अनेक उपक्रम राबवित असून बीच टुरिझम सोबतच हिस्ट्री ,कल्चर ,मेडिकल,हेरिटेज,फूड टुरिझम च्या माध्यमातून कोकणामध्ये बारमाही पर्यटन चालू होऊ शकते तसेच या क्षेत्रात काम करणाऱ्या व्यावसायिकांना व्यवसायात येणाऱ्या अडी अडचणी दूर करण्यासाठी कार्य करत आहे . दोन वर्षाच्या कोरोना नंतर पर्यटन व्यवसाय पूर्व पदावर येताना व्यावसायिकांना आवश्यक असलेली ट्रेनींग आर्थिक उभारणीसाठी महासंघातर्फे प्रयत्न केले जात असून या कार्याची दखल घेऊन महाराष्ट्र सरकारचा पर्यटन संचालनालय मार्फत दिला जाणारा पर्यटन मित्र पुरस्कार जागतिक पर्यटन दिनी वेंगुर्ला येथे झालेल्या पर्यटन चर्चासत्र कार्यक्रमात माजी आमदार व माजी उपाध्यक्ष पर्यटन संचालनालय श्री प्रमोद जठार ,श्री संजय ढेकणे वरिष्ठ प्रादेशिक पर्यटन अधिकारी कोकण, प्रशांत वाणी पर्यटन संचालनालय कर्नल श्री.सुधीर सावंत माजी आमदार राजनजी तेली यांच्या उपस्थित देण्यात आला.
यावेळी महासंघाचे अध्यक्ष श्री. विष्णू मोंडकर यांनी या पुरस्कार प्राप्तीनंतर सांगितले की महासंघाच्या कोकण क्षेत्रात चालू असलेल्या कार्याची दखल राज्य सरकारने घेतली त्याबद्दल महासंघ राज्य सरकारचे आभार व्यक्त करतो व येणाऱ्या काळात पर्यटन व्यावसायिकांना भेडसविणारे प्रश्न प्रामुख्याने सरकारने मार्गी लावावे हीच अपेक्षा आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
