कांदळगाव मध्ये कायमस्वरूपी तलाठी हवा..!
सरपंच सौ.उमदी परब यांनी दिले निवेदन…!
मसुरे | प्राजक्ता पेडणेकर :
कांदळगाव, शेमाडराणेवाडी व महान या गावासाठी कायमस्वरुपी तलाठी देण्याची मागणी कांदळगाव सरपंच सौ. उमदी उदय परब यांनी निवेदनाद्वारे मालवण तहसील कार्यालय येथे केली.
कांदळगाव शेमाडराणेवाडी व महान या महसुली गावांना गेली अनेक वर्षे कायमस्वरुपी स्वतंत्र तलाठी उपलब्ध होते.त्यामुळे महसुली गावाचे 7/12 दाखले, उत्पन्न दाखले, वारस तपास व विविध शासकीय योजना कामे सुरळीत पणे होत होती. ग्रामस्थांची कोणतीही कामे खोळंबत नव्हती. परंतु गेली तीन वर्षे इतर तलाठी यांच्यावर सदर सजाचा कार्यभार सोपविण्यात येत असून सदर तलाठी नेमून दिलेल्या दिवशी गावामध्ये नियमित उपलब्ध होत नाहीत. यामुळे गावातील ग्रामस्थांची कामे खोळंबत आहेत. कांदळगाव, शेमाडराणेवाडी व महान या गावासाठी लवकरात लवकर कायमस्वरुपी पूर्वीप्रमाणेच स्वतंत्र तलाठी उपलब्ध करून देण्यात यावे अशी मागणी निवेदनाद्वारे करण्यात आली आहे. यावेळी उपसरपंच आनंद आयकर, श्रुतिका कुंभार, राहुल पराडकर,दिनकर सातार्डेकर, भूषण सुर्वे, आदी उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
प्रधानमंत्री मत्स्य संपदा योजनेअंतर्गत २ नौकांचे सहकारी संस्थांना वितरण.
आगामी काळात स्वबळावर लढण्याचा तालुकाध्यक्ष धोंडी चिंदरकर यांनी व्यक्त केला मानस.
भाजप कोकण विकास आघाडी सिंधुदुर्ग जिल्हा महिला संपर्कप्रमुख वैशाली राणे यांची निवड..!
