मसुरे | प्रतिनिधी : सिंधुदुर्ग जिल्ह्यातील मालवण तालुक्यातल्या कसबा मसुरे गांव रहाटीचे विविध धार्मिक कार्यक्रम २३ सप्टेंबर पासून सुरू होणार असून याचा लाभ घेण्याचे आवाहन मसुरे देवस्थानचे प्रमुख श्री बाबुराव प्रभू गांवकर आणि श्री संग्राम प्रभू गांवकर यांनी केले आहे.

शुक्रवार दिनांक २३ सप्टेंबर रोजी सायंकाळी ०५:३० वाजता गांव राहाटीची आठची अवसरी घडी स्थळ बाळासाहेब प्रभुगांवकर यांच्या घरी संध्याकाळी ०७:०० वाजता मसुरे मर्डे येथे उभादेव डाळप.
सोमवार २६ सप्टेंबर सकाळी दहा वाजता श्री देवी माऊली मंदिर मसुरे देऊळवाडा येथे घटस्थापना.
मंगळवार ४ ऑक्टोबर सायंकाळी साडेचार वाजता आठाची अवसरी घडी स्थळ रवळनाथ मंदिर मसुरे गावठाण वाडी. सायंकाळी सात वाजता मसुरे मेढा पवणाई मंदिर येथे सर्व देवता तरंगांना निरी लावणे विधी.
बुधवार पाच ऑक्टोबर सायंकाळी तीन वाजता श्रीदेवी पावणाई मंदिर मसुरे मेढा येथे विजयादशमी दसरा उत्सव, गुरुवार ६ ऑक्टोबर श्रीदेवी माऊली मंदिर मसुरे देउळवाडा येथे सायंकाळी तीन वाजता एकादशी दसरा उत्सव. शुक्रवारी ७ ऑक्टोबर ला सकाळी नऊ वाजता श्री सिद्धनाथ मंदिर किल्ले भरतगड येथील दसरा उत्सव,सायंकाळी तीन वाजता श्री देवी पावणाई मंदिर मसुरे मेढा वाडी येथे आठाची अवसरी घडी, रविवार दिनांक ९ ऑक्टोबर नवानभक्षण दिन साजरा होणार आहे.
गांव रहाटीशी संबंधित सर्व मानकरी, स्थळकरी, मानकरी, सेवेकरी, ग्रामस्थ यांनी मसुरे गावराटीच्या नियमानुसार लागणाऱ्या सामग्रीसह वेळीच उपस्थित राहावे आणि सर्व कार्यक्रमांचा लाभ घ्यावा असे आवाहन करण्यात आलेले आहे.