मालवण | प्रतिनिधी : सिंधुदुर्ग जिल्ह्यातील मालवणच्या हिंदू जनजागृती समितीच्या सदस्यांनी एका संवेदनशील मुद्द्याबाबत मालवण तहसीलदार कार्यालयात आज निवेदन दिले.
तेलंगाणा राज्यातील ‘गोशामहल’ येथील हिंदुत्ववादी आमदार टी. राजासिंह यांना २३ आॉगस्टला अटक करण्यात आली होती. त्यांच्यावर एका पंथीयांच्या श्रद्धास्थानांचा अपमान केल्याचा आरोप आहे. या प्रकरणी त्यांना जामीन मिळाल्यानंतर अन्य एका जुन्या प्रकरणात त्यांना पुन्हा अटक करण्यात आली. आमदार टी. राजासिंह यांना अटक करण्यापुर्वी आणि अटक केल्यानंतर जिहादी प्रवृतीच्या धर्माधांकडून त्यांना जीवे मारण्याच्या धमक्या दिल्या जात आहेत. या पार्श्वभूमीवर त्यांना सशस्त्र सुरक्षा पुरवावी अशी मागणी तेलंगणाच्या राज्यपालांकडे करण्यात आली आहे.
त्याच निवेदनाची प्रत नायब तहसिलदार मालवण यांना देण्यात आली.यावेळी समितीने कार्यकर्ते तहसिलदार कार्यालय मालवण येथे निवेदन दिले. नायब तहसीलदार आनंद मालवणकर यांच्याकडे हे निवेदन समितीचे सदस्य रत्नाकर कोळंबकर, सुहास दुधवडकर,मधुसूदन सारंग, महेंद्र पाताडे ,राजन कामत, राजन सकपाळ आणि अनिकेत फाटक यांनी सुपूर्त केले.
या निवेदनाची प्रत राष्ट्रपती, पंतप्रधान,केंद्रीय गृहमंत्री यांना पाठविण्यात आली आहे.