मसुरे देऊळवाडा येथील सामाजिक कार्यकर्ते गणपत दादू परब यांचे निधन.
मसुरे | प्रतिनिधी : सिंधुदुर्ग जिल्ह्यातील मालवण तालुक्यातल्या मसुरे देऊळवाडा वेताळ टेंब येथील प्रतिष्ठित सामजिक कार्यकर्ते गणपत दादू परब वय ७४ वर्ष यांचे नुकतेच त्यांच्या राहत्या घरी निधन झाले. गणपत परब यांच्या निधनाने गावात शोककळा पसरली आहे.
गणपत परब यांचे मुंबई तसेच गावातील विविध संस्था तसेच सोसायटी मध्ये योगदान होते. मसुरे पतपेढी मुंबई चे माझी अध्यक्ष, परब मराठा मंडळाचे सभासद, बागवे संस्थानचे सभासद, मसुरे येज्युकेशनचे सभासद होते तसेच नाट्य कलावंत, क्रीडक्षेत्रातही त्यांचे मोठे योगदान होते. गावामध्ये सर्वांशी त्यांचे आदराचे आणि सलोख्याचे वागणे होते. लहानथोर. अबालृद्धांमध्ये ते प्रिय होते. मुंबईत असताना गावातील गरजूंना त्यांनी आपण काम करत असलेल्या खाजगी कंपनीत नोकऱ्या दिल्या होत्या. त्यांच्या निधनाने सामजिक क्षेत्रात पोकळी निर्माण झाली आहे. त्यांच्या पश्यात पत्नी, चुलत भाऊ, एक मुलगा, दोन मुली, जावई नातवंडे असा मोठा परिवार आहे. तुषार परब यांचे ते वडिल होत.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
