पळसंब मध्ये स्वातंत्र्याचा अमृत महोत्सव उत्साहात संपन्न..!
चिंदर | विवेक परब :
ग्रामपंचायत कार्यालय पळसंब येथे स्वातंत्र्याचा अमृत महोत्सव मोठ्या उत्साहात साजरा करण्यात आला. सरपंच चंद्रकांत गोलतकर यांच्या हस्ते आज १५ ऑगस्ट स्वातंत्र्य दिनाचे ध्वजारोहण पार पडले. जि.प.पूर्ण प्राथमिक शाळा पळसंब मध्ये स्वातंत्र्याच्या अमृतमहोत्सवा अंतर्गत भव्य प्रभातफेरी, शालेय विद्यार्थ्यांच्या वक्तृत्व स्पर्धा, स्वातंत्रसेनानीची मुलाखत, रंगभरण स्पर्धा, समूहागीतगायन, मोबाईलचे दुष्परिणाम या विषयावर प्राथमिक उपकेंद्र त्रिंबक पळसंब यांचे उद्बोधन शालेय विद्यार्थी आणि माता पालक यांची आरोग्य तपासणी, परिसर स्वच्छता, व्यसनमुक्ती मार्गदर्शन इत्यादी भरगच्च कार्यक्रमाचे आयोजन करण्यात आले. यावेळी प्रमोद सावंत यांचा सत्कार करण्यात आला. ग्रामसेवक अमित कांबळी यांनी सर्वांना शुभेच्छा दिल्या तसेच रमेश परब यांनी मार्गदर्शन केले.
यावेळी उपसरपंच सुहास सावंत, अरूण माने,ग्रा.पं.सदस्य,श्रीम.उज्वला परब, श्रीम.प्रणिता पुजारे, श्रीम.सीमा चव्हाण, रविकांत सावंत शालेय शिक्षण समिती अध्यक्ष, रमेश मुणगेकर उपाध्यक्ष शालेय शिक्षण समिती, शिक्षण प्रेमी अमरेश पुजारे, जि.प.पूर्ण प्राथमिक शाळा पळसंब चे मुख्याध्यापक असरोंडकर, सौ.पवार मॅडम, ग्रामसेवक अमित कांबळी, तंटामुक्त समिती अध्यक्ष उल्हास सावंत, रमेश परब, सुरेश लाड बचत गट महिला सदस्य उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
